ФК Саўтгемптан

З пляцоўкі Вікіпедыя
Jump to navigation Jump to search
Саўтгемптан
Лагатып
Поўная назва Southampton Football Club
Мянушкі Святыя
Заснаваны 21 лістапада 1885
Горад Саўтгемптан, Англія
Стадыён Сейнт-Мары Стэдыум
Умяшчальнасць: 32 690
Прэзідэнт Ральф Кругер
Галоўны трэнер Ральф Газенгютль
Чэмпіянат Прэм’ер-ліга
2018/19 16 месца
Сайт Афіцыйны сайт
Форма
Асноўная
форма
Форма
Гасцявая
форма
Форма
Рэзервовая
форма

«Саўтгемптан» (англ.: Southampton F.C.) — англійскі футбольны клуб, які размяшчаецца ў горадзе Саўтгемптан, графства Хэмпшыр. На стадыён Святой Марыі клуб пераехаў у 2001 годзе. Клуб мае мянушку «святыя», якая паўстала яшчэ ў часы заснавання клуба ў 1885 годзе ў сувязі з яго гісторыяй, гэта значыць каманда была арганізавана царкоўнымі актывістамі і з тых часоў гуляе традыцыйна ў чырвона-белай форме. Клуб мае сталае суперніцтва з «Портсмутам» з-за блізкасці паміж гарадамі. Матчы паміж гэтымі двума супернікамі вядомыя як Дэрбі паўднёвага берага.

Клуб упершыню атрымаў значны трафей у 1976 годзе, перамогшы ў розыгрышу Кубка Англіі, да гэтага клуб атрымліваў перамогі толькі ў рэгіянальных кубках і чэмпіянатах. Самым значным поспехам у чэмпіянаце Англіі з’яўляецца другое месца ў сезоне 1983/84[1]. «Саўтгемптан» гуляў у Прэм’ер-лізе да сезону 2004/05 (27 сезонаў запар у найвышэйшым дывізіёне), пасля чаго вылецеў у ніжэйшыя лігі. З 2012 года «святыя» зноў выступаюць ў Прэм’ер-лізе.

Гісторыя[правіць | правіць зыходнік]

Раннія гады[правіць | правіць зыходнік]

Клуб быў заснаваны ў 1885 годзе членамі Моладзевай асацыяцыі царквы Святой Дзевы Марыі (англ.: St Mary’s Church of England Young Men’s Association). Цяперашнюю назву «Саўтгемптан» атрымаў у 1897 годзе. Выступаючы пад назвай «Саўтгемптан Святой Марыі» (англ.: Southampton St.Mary’s), клуб далучыўся да Паўднёвай лігі ў 1894 годзе і станавіўся чэмпіёнам лігі шэсць разоў — у 1897, 1898, 1899, 1901, 1903 і 1904 гадах.

«Святыя» ўвайшлі ў Футбольную Лігу ў 1920 годзе, як член-заснавальнік трэцяга дывізіёна. Першы тытул прыйшоў у 1922 годзе, калі «Саўтгемптан» стаў чэмпіёнам дывізіёна. Дагэтуль «святыя» паспелі паўдзельнічаць у двух фіналах Кубка Англіі ў 1900 і 1902 гадах, але трафей абодва разы не скарыўся ім. Падняўшыся ў 1922 годзе ў другі дывізіён, «святыя» гулялі ў ім да 1953 года, калі зноў не апусціліся ў трэці дывізіён.

Пасляваенны час[правіць | правіць зыходнік]

Легенда «Саўтгемптана» і англійскага футбола Альф Рамсей быў сапраўднай зоркай пасляваеннага перыяду, і, шмат у чым дзякуючы яму, у 1960 годзе «Саўтгемптан» зноў вярнуўся ў другі дывізіён. Пры дапамозе такіх зорак як Марцін Чыверс, Тэры Пейн і Мік Чэнан, «святыя» ўпершыню ў гісторыі выйшлі ў Першы дывізіён у 1966 годзе.

Праз сем гадоў, у 1974 годзе каманда зноў выбыла ў другі дывізіён. Цікава, што кампанію ім тады склаў «Манчэстэр Юнайтэд». Аднак праз два гады «Саўтгемптан» дамогся найбуйнейшага поспеху ў сваёй гісторыі — у 1976 годзе, з’яўляючыся клубам другога дывізіёна, паўднёўцы заваявалі Кубак Англіі, абыграўшы на знакамітым «Уэмблі» на той момант ужо аднаго з лідараў вышэйшага дывізіёна «Манчэстэр Юнайтэд» з лікам 1:0. Пераможцы гол быў забіты Бобі Стоўксам.

Дасягненні[правіць | правіць зыходнік]

Склад[правіць | правіць зыходнік]

Станам на верасень 2019 года.

Пазіцыя Імя Год нараджэння
1 Англія Бр Алекс Мак-Карці 1989
2 Партугалія Аб Седрык Суарыш 1991
3 Японія Аб Мая Ёсіда 1988
4 Данія Аб Янік Вестэргор 1992
5 Англія Аб Джэк Стэфенс 1991
7 Ірландыя Нап Шэйн Лонг 1987
9 Англія Нап Дэні Інгз 1992
10 Англія Нап Чэ Адамс 1996
12 Малі ПА Муса Джэнепо 1998
14 Іспанія ПА Арыёль Рамеу 1991
16 Англія ПА Джэймс Уорд-Проўз 1994
17 Шатландыя ПА Сцюарт Армстранг 1992
19 Марока ПА Сафіян Буфаль 1993
Пазіцыя Імя Год нараджэння
20 Ірландыя Нап Майкл Абафемі 2000
21 Англія Аб Раян Бертранд 1989
22 Англія ПА Натан Рэдманд 1994
23 Данія ПА П’ер-Эміль Хёйб’ерг Капітан каманды 1995
28 Англія Бр Энгас Ган 1996
30 Англія ПА Калум Слэтэры 1999
31 Англія Аб Кейн Рэмсей 2000
35 Польшча Аб Ян Бэднарак 1996
38 Аўстрыя Аб Кевін Данса 1998
41 Англія Бр Гары Льюіс 1997
43 Францыя Аб Ян Валеры 1999
45 Англія Аб Сэм Мак-Куін 1995
65 Англія Нап Маркус Бернс 1996

Зноскі

Спасылкі[правіць | правіць зыходнік]