ФК Сент-Эцьен

Сент-Эцьен
Поўная назва	Association Sportive Saint-Étienne Loire
Заснаваны	1901
Горад	Сент-Эцьен, Францыя
Стадыён	Жафруа Гішар Умяшчальнасць: 42 000
Прэзідэнт	Бернар Каязо[d] і Ралан Рамее[d]
Галоўны трэнер	Ларан Батле[d]
Чэмпіянат	Ліга 2
2022/23	8 месца
Сайт	Афіцыйны сайт
Асноўная форма Гасцявая форма

«Сент-Эцьен» (фр.: AS Saint-Étienne) — французскі футбольны клуб з горада Сент-Эцьен. Клуб быў заснаваны ў 1919 годзе. Праводзіць хатнія матчы на стадыёне «Жафруа Гішар», які размешчаны ў межах горада.

«Сент-Эцьен» з’яўляецца адным з самых паспяховых клубаў у гісторыі французскага футбола, маючы на сваім рахунку 10 чэмпіёнскіх тытулаў, што з’яўляецца рэкордным паказчыкам сярод усіх французскіх клубаў, а таксама шэсць перамог у розыгрышы Кубка Францыі. Галоўным супернікам клуба з’яўляецца «Алімпік», які базуецца ў суседнім горадзе Ліён. Дэрбі паміж абодвума клубамі мае назва Дэрбі дзю Рон. У 2009 годзе клуб дапоўніў сваю структуру жаночым футбольным клубам.

У клубе бліскалі такія зоркі міжнароднага футбола, як Эмэ Жаке, Жак Санціні, Ларан Блан і Мішэль Плаціні, амаль кожны з якіх прыцягваўся да французскай нацыянальнай зборнай у якасці іграка ці трэнера.

Гісторыя

Раннія гады

Гісторыя «Сент-Эцьена» пачалася ў 1919 годзе, калі супрацоўнікі супермаркета сеткі «Groupe Casino» стварылі футбольную каманду пад назвай «Amicale des Employés de la Société des Magasins Casino» (ASC). Каманда прыняла рашэнне выступаць у форме зялёнага колеру, якую супрацоўнікі апраналі на працы ў «Casino». У 1920 годзе з-за забароны Федэрацыі футбола Францыі на выкарыстанне таварных знакаў у назве каманд, клуб змяніў сваю назву на «Amical Sporting Club», каб захаваць абрэвіятуру ASC, а пасля зліцця з іншым мясцовым клубам «Stade Forézien Universitaire», змяніў сваю назву на «Association sportive Stéphanoise» (ASS). У 1927 годзе прэзідэнтам клуба быў абраны П’ер Гішар — сын Жафруа Гішара, які быў заснавальнікам «Casino».

У 1930 годзе нацыянальная федэрацыя футбола дазволіла клубам мець прафесійны статус. У 1933 годзе «зялёныя» таксама атрымалі прафесійны статус і змянілі назву на цяперашную — «Association Sportive Saint-Étienne». У тым жа годзе «Сент-Эцьен» заявіўся ў новаўтвораную Лігу 2 і заняў паводле выніках сезона 1933/34 другое месца ў Паўднёвай групе. Клуб заставаўся ў Лізе 2 яшчэ чатыры сезоны, перш чым у сезоне 1938/39 дэбютаваў у Лізе 1 пад кіраўніцтвам шатландскага спецыяліста Уільяма Дакворта, скончыўшы сезон на ганаровым чацвёртым месцы. Аднак развіць поспех не атрымалася з-за пачатку Другой сусветнай вайны.

Тытулы

• Чэмпіён Францыі: 10
  • 1957, 1964, 1967, 1968, 1969, 1970, 1974, 1975, 1976, 1981

• Уладальнік Кубка Францыі: 6
  • 1962, 1968, 1970, 1974, 1975, 1977

• Уладальнік Кубка лігі Францыі: 1
  • 2013

• Уладальнік Суперкубка Францыі: 6
  • 1957, 1962, 1967, 1968, 1969

Склад

Станам на ліпень 2023 года.

№ Паз. Імя Нар. 1 Бр Мацьё Дрэе 1989 3 Аб Мікаэль Надэ 1999 4 Аб Саіду Соў 2002 6 ПА Бенжамін Бушуары 2001 7 ПА Тама Мункундзі 1991 8 Аб Дэніс Апія 1992 9 Нап Ібрахім Сісако 1995 10 Нап Гаэтан Шарбанье 1988 14 ПА Дылан Шамбо 1997 16 Бр Бубакар Фаль 2001 17 Нап Максенс Рывера 2002 18 ПА Мацьё Кафаро 1997 19 Аб Лео Петро 1997

№ Паз. Імя Нар. 22 ПА Віктор Лабры 1995 23 Аб Антані Брыянсон (капітан) 1994 25 Нап Ібраіма Ваджы 1995 26 ПА Ламін Фамба 1998 27 Аб Нільс Нкунку 2000 29 ПА Аймен Муэфек 2001 30 ПА Гацье Ларсанер 1997 34 ПА Антуан Гацье 2004 36 Аб Абдулае Бакаяко 2002 37 ПА Луі Мутон 2002 39 Нап Айман Аікі 2005 42 Бр Эцьен Грын 2000 Аб Браян Накуэ 2002

Спасылкі

• Афіцыйны сайт