ФК Слонім-2017

Слонім
Поўная назва	Дзяржаўная спартыўная ўстанова «Футбольны клуб „Слонім 2017“»
Заснаваны	2009
Горад	Слонім, Беларусь
Стадыён	«Юнацтва» Умяшчальнасць: 2220
Дырэктар	Сяргей Салдаценка (в.а.)
Галоўны трэнер	Леанід Лагун
Чэмпіянат	Першая ліга
2019	13 месца
Асноўная форма Гасцявая форма

«Слонім-2017» — беларускі футбольны клуб з горада Слонім. У цяперашні час выступае ў Першай лізе чэмпіянату Беларусі.

Гісторыя

«Белтрансгаз»

Клуб быў заснаваны ў 2009 годзе пад назвай «Белтрансгаз». Галоўным спонсарам стала слонімскае ўпраўленне магістральных газапровадаў.

Новаствораны клуб адразу перамог у чэмпіянаце Гродзенскай вобласці, а на наступны год заявіўся ў Другую лігу чэмпіянату Беларусі. У 2011 клуб доўгі час змагаўся за выхад у Першую лігу, але заняў трэцяе месца. У сезоне 2012 клуб датэрмінова гарантаваў сабе месца ў Першай лізе, заняўшы ў выніку другое месца.

Клуб меў агульны стадыён з іншым слонімскім футбольным клубам, «Камунальнікам». У 2011 «Камунальнік» вылецеў у Другую лігу, і два гады (да выхаду «Белтрансгаза» ў Першую лігу) існавала «слонімскае дэрбі».

«Слонім»

Пасля выхаду «Белтрансгаза» ў Першую лігу было ўзнята пытанне аб мэтазгоднасці існавання ў горадзе двух футбольных клубаў. У выніку, у студзені 2013 «Белтрансгаз» быў рэарганізаваны шляхам аб'яднання з «Камунальнікам». Клуб атрымаў назву «Слонім» і месца ў Першай лізе. Ігракі і трэнерскі штаб ў асноўным перайшлі з «Белтрансгаза», але заснавальнікам клуба стала не прадпрыемства «Белтрансгаз», а Слонімскі райвыканкам.

Амаль увесь сезон 2013 каманда правяла ўнізе табліцы. «Слонім» 13 разоў згуляў унічыю — болей за ўсіх у чэмпіянаце. Толькі пад канец турніру каманда стала трывала набіраць ачкі, але ўзняцца вышэй канкурэнтаў не змагла. У выніку — 13 месца.

Перад сезонам 2014 каманду пакінулі амаль усе асноўныя ігракі. Замест іх склад «Слоніма» утварылі мясцовыя футбалісты, а таксама ігракі, якія апынуліся незапатрабаванымі ў сваіх клубах. У выніку «Слонім» амаль адразу апынуўся ў канцы табліцы, дзе доўгі час змагаўся з пінскай «Хваляй» за захаванне прапіскі ў Першай лізе. Увосень 2014 «Слонім» выступаў паспяхова, што дазволіла камандзе за некалькі тураў да фінішу выратавацца ад вылету ў Другую лігу, але вышэй 15-га месца ўзняцца яна так і не здолела.

У сезоне 2015 «Слонім» здолеў умацавацца шэрагам вопытных ігракоў, дзякуючы чаму скончыў сезон на 9-м месцы, аднак у наступным сезоне апусціўся на 11-е.

«Слонім-2017»

У пачатку 2017 года новым трэнерам каманды стаў Вячаслаў Царук, які заняў месца нязменнага да таго рулявога сланімчан Аляксея Шубянка. Неўзабаве стала таксама вядома пра пераймевананне клуба ў «Слонім-2017». Пад кіраўніцтвам новага трэнера слонімскі паспяхова пачаў сезон 2017. Атрымаўшы некалькі перамог над фаварытамі, каманда скончыла першую палову сезона на трэцім месцы. Аднак, у жніўні 2017 года Вячаслаў Царук пакінуў пасаду галоўнага трэнера «Слоніма-2017», і другую палову чэмпіянату клуб правёў значна горш, апусціўшыся на выніковае 11-е месца.

Сезон 2018 каманда правяла роўна, знаходзячыся ў сярэдзіне табліцы, і ў выніку скончыла сезон на сёмым месцы. Першая палова сезона 2019 атрымалася для слонімскай каманды няўдалай, добра была пачата другая палова чэмпіянату, аднак хутка вынікі зноў пагоршыліся, у выніку «Слонім-2017» стаў трынаццатым.

Папярэднія назвы

• 2009—2012: «Белтрансгаз»
• 2013—2017: «Слонім»
• з 2017: «Слонім-2017»

Дасягненні

• Найбуйнейшая перамога: 15:0 («Мёры», 2012)
• Чэмпіён Гродзенскай вобласці (2009)

Цяперашні склад

Станам на кастрычнік 2020 года.

№ Пазіцыя Імя Год нараджэння 1 Бр Максім Шышлоў 1996 30 Бр Андрэй Напорка 1994 Бр Уладзімір Карней 1990 4 Аб Максім Роўбут 1996 6 Аб Дзмітрый Стомаль 1993 10 Аб Аляксей Лазко 1994 12 Аб Аляксандр Арлоў 1997 16 Аб Уладзіслаў Казакоў 1998 Аб Уладзіслаў Берг 1996 3 ПА Арцём Шубко 1998 5 ПА Сяргей Гузаў 1996 7 ПА Вадзім Спасюк 1991 8 ПА Артур Цішко 1996

№ Пазіцыя Імя Год нараджэння 9 ПА Марцін Арцюх 1996 11 ПА Аляксей Чарнадараў 2001 13 ПА Артур Чудук 1996 14 ПА Аляксандр Пузач 1995 15 ПА Артур Сарамаха 1998 17 ПА Цімур Сікоеў 1997 19 ПА Данііл Сілінскі 2000 20 ПА Аляксандр Корзун 2000 ПА Вільгельм Берг 2001 ПА Ілья Казлоў 2002 2 Нап Алег Ашэйчык 1999 18 Нап Яўген Баль 1998 21 Нап Алег Герасімчык 1983

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2009	Чэмпіянат Гродзенскай вобласці (Д4)	1	20	15	4	1	51–13	49		Пераход у Другую лігу
2010	Другая (Д3)	12	34	9	13	12	46–65	40	1/32 фіналу
2011	Другая (Д3)	3	30	20	4	6	84–29	64	1/16 фіналу
2012	Другая (Д3)	2	36	24	6	6	95–35	78	1/8 фіналу	Выхад у Першую лігу
2013	Першая (Д2)	13	30	7	13	10	38–45	34	1/16 фіналу
2014	Першая (Д2)	15	30	6	12	12	32–50	30	1/32 фіналу
2015	Першая (Д2)	9	30	13	2	15	41–55	41	1/16 фіналу
2016	Першая (Д2)	11	26	6	6	14	36–49	24	1/16 фіналу
2017	Першая (Д2)	11	30	10	7	13	33–46	37	1/16 фіналу
2018	Першая (Д2)	7	28	9	9	10	37–37	36	1/16 фіналу
2019	Першая (Д2)	13	28	4	9	15	18–47	21	1/16 фіналу
2020	Першая (Д2)								1/16 фіналу

Галоўныя трэнеры

• Аляксей Шубянок (2009—2016)
• Вячаслаў Царук (студзень—жнівень 2017)
• Аляксандр Кадоўбік (в.а. у жніўні 2017)
• Алег Кароль (жнівень 2017 — снежань 2018)
• Леанід Лагун (з лютага 2019)

Спасылкі

• Профіль на сайце weltfussballarchiv.com(англ.) 
• Профіль на сайце wildstat.ru(руск.) 
• Профіль на сайце teams.by (руск.)