ФК Урал Екацярынбург

З пляцоўкі Вікіпедыя
Jump to navigation Jump to search
Урал Екацярынбург
Лагатып
Поўная назва руск.: Футбольный клуб Урал Екатеринбург
Заснаваны 1 верасня 1930
Горад Екацярынбург, Расія
Стадыён Цэнтральны, Екацярынбург
Умяшчальнасць: 35 000
Уладальнік Свярдлоўская вобласць
Прэзідэнт Рыгор Іваноў
Галоўны трэнер Дзмітрый Парфёнаў
Чэмпіянат Прэм’ер-ліга
2018/19 10 месца
Сайт Афіцыйны сайт
Форма
Асноўная
форма
Форма
Гасцявая
форма
Форма
Рэзервовая
форма

«Урал» (руск.: Футбольный клуб Урал Екатеринбург) — расійскі футбольны клуб з горада Екацярынбург, які выступае ў Прэм’ер-лізе.

Гісторыя[правіць | правіць зыходнік]

Датай заснавання клуба лічыцца 1930 год, аднак згодна з публікацыямі «Уральскага рабочага» вынікае, што ўралмашбудаўнікі стварылі першую футбольную каманду яшчэ ў 1927 годзе, калі толькі ўзводзіліся корпусы будучага завода. Тады ж каманда дэбютавала ў восеньскім першынстве Свярдлоўска пад назвай «Машынабудаўнік». Дэбют каманды ў турнірах СССР адбыўся на Кубку СССР па футболе 1938. Тады клуб вылецеў на стадыі 1/128 фіналу, атрымаўшы паразу паводле сумы двух матчаў краснаўральскай камандзе «Калярмет». Дэбют у чэмпіянаце СССР датуецца 1947 годам. У гэтым сезоне свярдлоўскі клуб «Авангард» заняў у другой групе 9 месца з 10 магчымых. Каманда працягвала ўдзельнічаць у другой групе чэмпіянату СССР, прапусціўшы з прычыны рэзкага скарачэння колькасці каманд у розыгрышы сезоны 1950, 1951 і 1952 гадоў.

У сезоне 1953 года адбылося вяртанне клуба ў першынство краіны. Пачынаючы з гэтага часу, каманда пачала прагрэсаваць і з кожным сезонам набліжацца да найвышэйшай прыступкі лігі. У 1959 годзе «Машынабудаўнік» заняў другое месца ў 6 зоне класа «Б». Праз два гады ён атрымаў канчатковую назву «Вралмаш» і паўтарыў поспех, а ў сезоне 1962 года каманда заняла першае месца ў сваёй зоне. У фінале «Уралмаш» заняў трэцяе месца, што не дазволіла клубу прайсці на павышэнне ў класе. Аднак у 1963 годзе Федэрацыя футбола СССР прыняла рашэнне павялічыць лік каманд класа «А» да 38, падзяліўшы клас на дзве групы. Дадзенае рашэнне спрыяла выхаду клуба ў другую групу класа «А». У другой групе класа «А» каманда правяла шэсць сезонаў, завяршыўшы сезон 1968 года на першым месцы.

Сезон 1969 года клуб правёў у вышэйшай лізе чэмпіянату СССР, аднак, заняўшы апошні радок, зноў вярнуўся ў дывізіён ніжэй. Гэта быў першы і апошні ўдзел свярдлоўскага клуба ў элітным савецкім футбольным дывізіёне. У далейшым клуб выступаў у другім і трэцім дывізіёнах савецкага першынства. У 1976 годзе быў зафіксаваны адзін з рэкордаў выніковасці ў гісторыі «Уралмаша». У рамках другой лігі СССР чыцінскі «Лакаматыў» прыехаў у Свярдлоўск, маючы ў сваім складзе толькі 10 футбалістаў. Матч скончыўся перамогай футбалістаў Свярдлоўска з лікам 9:0.

Пасля распаду СССР клубу выдалася магчымасць выступаць у вышэйшай лізе чэмпіянату Расіі. У ёй «Уралмаш» правёў пяць сезонаў з 1992 па 1996 гады, а найлепшым дасягненнем за гэты час было восьмае месца ў 1993 і 1995 гадах. У 1996 годзе клуб страціў магчымасць выступаць у эліце і апусціўся ў першую лігу. На наступны сезон клуб апусціўся яшчэ ніжэй — у другую лігу.

Галоўныя трэнеры[правіць | правіць зыходнік]

Склад[правіць | правіць зыходнік]

Станам на ліпень 2019 года.

Пазіцыя Імя Год нараджэння
2 Расія Аб Шамсідзін Шанбіеў 1997
3 Арменія Аб Вараздат Араян 1992
6 Польшча ПА Рафа Аўгустыняк 1993
8 Расія ПА Раман Емельянаў 1992
10 Румынія ПА Эрык Бікфалві 1988
11 Расія Нап Уладзімір Ільін 1992
13 Камерун ПА Петрус Бумаль 1993
14 Расія ПА Юрый Бавін 1994
15 Украіна Аб Дзяніс Кулакоў 1986
17 Балгарыя ПА Мікалай Дзімітраў 1987
19 Беларусь Аб Дзяніс Палякоў 1991
20 Расія Нап Андрэй Панюкоў 1994
26 Расія Аб Мінгіян Бявееў 1995
Пазіцыя Імя Год нараджэння
27 Расія Аб Міхаіл Мяркулаў 1994
31 Расія Бр Яраслаў Гадзюр 1985
44 Расія ПА Андрэй Ягорычаў 1993
50 Расія Аб Мікіта Чысцякоў 2000
57 Расія ПА Арцём Фідлер Капітан каманды 1983
58 Нідэрланды ПА Отман Эль-Кабір 1991
60 Расія Бр Уладзіслаў Палятаеў 2000
69 Расія ПА Арцём Шаболін 2000
77 Расія Бр Алег Баклаў 1994
79 Расія Нап Арцём Юсупаў 1997
80 Расія ПА Чынгіз Магамадаў 1998
88 Расія Нап Павел Паграбняк 1983
90 Расія ПА Аляксандр Шчарбакоў 1998

Па рашэнні кіраўніцтва «Урала» гульнявы нумар 23, пад якім гуляў нападнік Пётр Хрустоўскі, які загінуў 5 ліпеня 2003 года ў аўтакатастрофе, назаўсёды застанецца замацаваным за ім.


Зноскі

Спасылкі[правіць | правіць зыходнік]