ФК Феенорд

З пляцоўкі Вікіпедыя
Перайсці да: рух, знайсці
Феенорд
Поўная назва

нідэрл.: Feyenoord Rotterdam

Мянушкі

нідэрл.: De Trots van Zuid (Гонар Поўдня)

Заснаваны

1908

Горад

Ротэрдам, Нідэрланды

Стадыён

Дэ Кёйп, Ротэрдам
Умяшчальнасць: 51 177

Чэмпіянат

Эрэдывізі

2016/17

01Чэмпіён 1 месца

Сайт

Афіцыйны сайт

Форма
Асноўная
форма
Форма
Гасцявая
форма

«Феенорд» (нідэрл.: Feyenoord Rotterdam) — нідэрландскі футбольны клуб з горада Ротэрдам. Быў заснаваны пад назвай «Вільгельміна» ў 1908 годзе, але ў 1912 годзе клуб змяніў сваю назву на сучасную і пераехаў на стадыён «Дэ Кёйп» у 1937 годзе. 15-разовы чэмпіён Нідэрландаў і 12-разовы ўладальнік Кубка Нідэрландаў, 3-разовы ўладальнік Суперкубка Нідэрландаў.

«Феенорд» з'яўляецца адным з самых паспяховых клубаў у Нідэрландах. Клуб таксама з'яўляецца ўладальнікам Кубку еўрапейскіх чэмпіёнаў (1970), двух Кубкаў УЕФА (1974, 2002) і аднага Міжкантынентальнага кубку (1970). «Феенорд» гістарычна з'яўляецца адным з трох дамінуючых клубаў краіны, у адным шэрагу з «Аяксам» і ПСВ. Гэтыя тры клубы з'яўляюцца адзінымі клубамі, якія правялі ўсе сезоны Эрэдывізіі з моманту яе стварэння ў 1952 годзе.

Клуб вядомы сваёй велізарнай нацыянальнай падтрымай. Найбольш паспяховы перыяд клуба ў гісторыі быў у 1960-я і 1970-я гады, калі Кун Мулейн і Увэ Кіндваль прывялі клуб да шасці чэмпіёнскіх тытулаў, двух еўрапейскіх трафеяў, Міжкантынентальнага кубку і, тым самым стаўшы першым нідэрландскім клубам, які атрымаў перамогу ў Кубку еўрапейскіх чэмпіёнаў і Міжкантынентальным кубку. «Феенорд» мае даўняе супрацьстаянне з «Аяксам», як сутыкненне паміж двума найбуйнейшымі гарадамі ў Нідэрландах. Іхнае дэрбі мае назва Дэ Класікер (нідэрл.: De Klassieker).

Гісторыя[правіць | правіць зыходнік]

Футбольны клуб «Вільгельміна» быў заснаваны ў пабе Дэ Верээнігінг 19 ліпеня 1908 года[1]. Клуб пачаў гуляць у чырвоных кашулях з сінімі рукавамі і белых майтках[1]. Між 1908, 1910, 1911 і 1912 гадамі, у клубе прайшоў шэраг змяненняў у назве каманды і колерах, гэтак у 1909 годзе клуб стаў называцца «Гілеслёйзэ»[2], а потым змяніў назву на РВВ «Цэлерытас». Атрымаўшы права выступаў пад эгідай Нацыянальнай футбольнай асацыяцыі ў 1912 годзе, клуб быў перайменаваны ў «Феенорд», у гонар раёна горада, у якім была заснавана каманда[3]. Адразу з назвай былі зменены і колеры клуба, гэта значыць каманда пачала гуляць у чырвона-белыя кашулях, чорных шортах і чорных шкарпэтках. Гэтыя колеры захаваліся ў клубе і на сёння. У 1917 годзе «Феенорд» выйшаў у нідэрландскую вышэйшую лігу і пераехаў на новы стадыён Кромэ Зандвег[3].

Пасля шаснаццаці гадоў пасля стварэння клуба і ўсяго толькі праз тры гады пасля пачатку выступаў у вышэйшым дывізіёне «Феенорд» дамогся першага свайго тытулу, атрымаўшы перамогу ў розыгрышу чэмпіянату Нацыянальнай лігі ў 1924 годзе[3]. Наступным поспехам клуба стала другая перамога ў 1928 годзе. «Феенорд» атрымаў свой ​​першы Кубак Нідэрландаў у 1930 годзе, забіўшы адзіны гол у фінальным дэрбі супраць клуба «Эксельсіёр»[4]. Клуб працягнуў дамінаваць у айчынным чэмпіянаце атрымаўшы перамогу ў кубку ў 1935 годзе і ў 1936 годзе ў чэмпіянаце.

Дзякуючы выдатным выступам клуба гульні з удзелам клуба пачалі прыцягваць большую колькасць заўзятараў на сваім стадыёне на Кромэ Зандвег, таму ў 1933 годзе кіраўніцтва клуба вырашыла пабудаваць новую футбольную пляцоўку. У 1937 годзе клуб пераехаў на новы стадыён, які атрымаў мянушку «Дэ Кёйп», што перакладаецца як «ванна». Да пачатку Другой сусветнай вайны клуб тройчы запар займае першае месца ў рэгулярным сезоне, пры гэтым двойчы становячыся чэмпіёнам у 1936 і 1938 гадах[5].

Падчас Другой сусветнай вайны «Феенорд» свае матчы праводзіў на стадыёне ратэрдамскай «Спарты», бо нацысты занялі Дэ Кёйп[5].

Супрацьстаянне[правіць | правіць зыходнік]

Амстэрдамскі «Аякс» з'яўляецца галоўным сапернікам «Феенорда»[6]. Два клубы маюць даўнюю гісторыю супрацьстаяння, а матчы паміж двума клубамі называюць Дэ Класікер (нідэрл.: De Klassieker). Суперніцтва спалучае ў сябе не толькі супрацьстаянне двух каманд, але і канфрантацыю паміж двума найбуйнейшымі гарадамі краіны, Амстэрдамам і Ротэрдамам, два горада, якія маюць свае культурныя традыцыі[7]. Сустрэча паміж гэтымі дзвюма камандамі па-ранейшаму лічыцца найбуйнейшым дэрбі краіны ў сезоне[7].

Склад[правіць | правіць зыходнік]

Станам на кастрычнік 2017 года.

Пазіцыя Імя Год нараджэння
1 Сцяг Нідэрландаў Бр Кенет Вермер 1986
2 Сцяг Нідэрландаў Аб Барт Ньіўкоп 1996
3 Сцяг Нідэрландаў Аб Свен ван Бек 1994
4 Сцяг Нідэрландаў Аб Джэры Сен Жуст 1996
5 Сцяг Нідэрландаў Аб Рыджэсіяна Хапс 1993
6 Сцяг Нідэрландаў Аб Ян-Ары ван дэр Хейдэн 1988
7 Сцяг Нідэрландаў Нап Жан-Поль Баэцьюс 1994
8 Сцяг Марока ПА Карым Аль-Ахмадзі Капітан каманды 1985
9 Сцяг Даніі Нап Мікалай Ёргенсен 1991
10 Сцяг Нідэрландаў ПА Тоні Вілена 1995
11 Сцяг Швецыі Нап Сэм Ларсан 1993
14 Сцяг Турцыі Нап Білал Башачыкаглу 1995
17 Сцяг Нідэрландаў Аб Кевін Дыкс 1996
Пазіцыя Імя Год нараджэння
18 Сцяг Нідэрландаў Аб Мікел Нелом 1990
19 Сцяг Нідэрландаў Нап Стэвен Бергёйс 1991
20 Сцяг Перу ПА Рэната Тапія 1995
21 Сцяг Марока ПА Саф’ян Амбарат 1996
22 Сцяг Нідэрландаў Бр Джустын Бейло 1998
25 Сцяг Аўстраліі Бр Брэд Джонс 1982
28 Сцяг Нідэрландаў ПА Енс Торнстра 1989
29 Сцяг Нідэрландаў Нап Міхел Крамер 1988
33 Сцяг Бразіліі Нап Эрык Батэгін 1987
34 Сцяг Нідэрландаў Нап Дылан Вентэ 1999
36 Сцяг Нарвегіі ПА Эміль Хансан 1998
39 Сцяг Нідэрландаў Нап Шэйк Турэ 2001

Дасягненні[правіць | правіць зыходнік]

Нідэрланды[правіць | правіць зыходнік]

Еўракубкі[правіць | правіць зыходнік]

Міжнародныя турніры[правіць | правіць зыходнік]

Зноскі

Спасылкі[правіць | правіць зыходнік]