Факультэт падрыхтоўкі навуковых кадраў Універсітэта грамадзянскай абароны МНС РБ

Факультэт падрыхтоўкі навуковых кадраў Універсітэта грамадзянскай абароны МНС РБ
Універсітэт грамадзянскай абароны МНС Рэспублікі Беларусь
Заснаваны	2016

Факультэт падрыхтоўкі навуковых кадраў Універсітэта грамадзянскай абароны Міністэрства па надзвычайных сітуацыях Рэспублікі Беларусь — адзін з факультэтаў Універсітэта грамадзянскай абароны МНС Рэспублікі Беларусь.

Апісанне

Факультэт з’яўляецца арганізацыйна-адміністрацыйным структурным падраздзяленнем Дзяржаўнай установы адукацыі «Універсітэт грамадзянскай абароны Міністэрства па надзвычайных сітуацыях Рэспублікі Беларусь», які забяспечвае планаванне, арганізацыю і кантроль рэалізацыі адукацыйных праграм паслядыпломнай адукацыі, што фарміруюць веды, уменні і навыкі навукова-педагагічнай і навукова-даследчай работы і атрыманне вучонай ступені кандыдата навук і доктара навук.

Факультэт створаны на падставе загаду МНС ад 30 жніўня 2016 года № 199, якім зацверджаны структура і штат Універсітэта грамадзянскай абароны МНС Беларусі.

Кафедры

Факультэт падрыхтоўкі навуковых кадраў каардынуе работу наступных кафедраў Універсітэта:

• гуманітарных навук;
• прыродазнаўчых навук;
• сучасных моў;
• працэсаў гарэння і выбуху.

Дзейнасць кафедраў рэгламентуецца адпаведным палажэннем аб кафедры.

Спецыяльнасці

Факультэт ажыццяўляе падрыхтоўку па наступных спецыяльнасцях паслядыпломнай адукацыі:

• Ад’юнктура:
  • «Бяспека ў надзвычайных сітуацыях»;
  • «Пажарная і прамысловая бяспека»;
  • «Грамадзянская абарона»
• Дактарантура:
  • «Бяспека ў надзвычайных сітуацыях»;
  • «Пажарная і прамысловая бяспека»

Начальнікі

• Ігар Юр’евіч Аўшаў