Факультэт савецкага будаўніцтва і права БДУ
| Факультэт савецкага будаўніцтва і права БДУ | |
|---|---|
| БДУ | |
| Заснаваны | 1930[1] |
| Закрыты | 1931[1] |
Факультэт савецкага будаўніцтва і права БДУ[2] (факультэт савецкага права і будаўніцтва БДУ)[3] — колішні факультэт Беларускага дзяржаўнага ўніверсітэта, які існаваў у 1930—1931 гадах. Створаны на базе факультэта права і гаспадаркі БДУ. Рэарганізаваны ў Мінскі інстытут савецкага будаўніцтва і права.[2]
Гісторыя
[правіць | правіць зыходнік]У 1930 годзе (паводле некаторых звестак — у 1929[4]) факультэт гаспадаркі і права БДУ быў падзелены на факультэт савецкага будаўніцтва і права[2] (савецкага права і будаўніцтва[3]) і факультэт народнай гаспадаркі БДУ.[4]
18 сакавіка 1931 года з’яўляецца дакладная запіска рэктара БДУ Я. П. Каранеўскага, дзе ён прапаноўвае «Факультэт савецкага будаўніцтва і права з рацыяналізатарскім аддзяленнем, якое адчыняецца пры ім з І/ІУ[5], рэарганізаваць у самастойны інстытут савецкага будаўніцтва і права, пры чым аддз. савец. будаўніцтва пры камвузе зачыніць, злучыўшы яго з адпаведным аддз. інстытута. Інстытут будзе рыхтаваць кадры для НКЮ (юрыстаў) для РСІ, ЦВК, РВК, інструктараў і рацыяналізатараў для савецкіх, прафесійных, кааперац. устаноў, буйных прамысловых прадпрыемстваў і саўгасаў. Інстытут савецкага будаўніцтва і права перадаць ЦВК альбо НКЮ.»[6]
7 ліпеня 1931 года факультэт быў рэарганізаваны ў асобны Інстытут савецкага будаўніцтва і права, які падпарадкоўваўся непасрэдна ЦВК БССР.[3]
Літаратура
[правіць | правіць зыходнік]- Мінскі юрыдычны інстытут // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 454. — 10 000 экз. — ISBN 985-11-0035-8. — ISBN 985-11-0169-9 (т. 10).
Спасылкі
[правіць | правіць зыходнік]Крыніцы
[правіць | правіць зыходнік]- ↑ а б Беларуская энцыклапедыя: У 18 т. Т. 10: Малайзія — Мугаджары — Мн.: 2000. — С. 454. — 544 с. — ISBN 978-985-11-0169-2
- ↑ а б в БелЭн 2000.
- ↑ а б в Установа вышэйшай юрыдычнай адукацыі БССР
- ↑ а б ИСТОРИЯ ЭКОНОМИЧЕСКОГО ФАКУЛЬТЕТА БГУ
- ↑ Гэта значыць — 3 1 красавіка 1931 г.
- ↑ ДАКЛАДНАЯ ЗАПІСКА РЭКТАРА БДУ Я. П. КАРАНЕЎСКАГА АБ РЭАРГАНІЗАЦЫІ БДУ 18 сакавіка 1931 г. (НАРБ. Ф. 4-п. Воп. 14. Спр. 42. Л. 74— 77. Машынапіс. коп.)