Фамоз морквы

Фамоз морквы, або Сухая гніль морквы — грыбковае захворванне морквы, узбуджальнікам ягога з’яўляецца Leptosphaeria libanotis (анаморфа — фома Рострупа (Phoma rostrupii)).

Апісанне

Пашкоджвае расліны ў любым узросце і караняплоды пры захаванні. Праяўляецца ў 2 формах. На лісці з’яўляюцца прадаўгаватыя, шаравата-карычневыя плямы, на сцяблах насеннікаў цёмныя палосы і плямы з ліловым адценнем. Пашкоджаныя тканкі робяцца крохкімі, расліна сохне. Пазней цёмна-карычневыя плямы можна адзначыць на верхавінцы караняплодаў. Пры захаванні морквы праяўляецца іншая форма хваробы — сухая гніль караняплодаў у выглядзе добра бачных, прадаўгаватых, шэрых, удаўленых плям, колькасць якіх з часам расце. Пашкоджаныя тканкі трухлеюць, у іх утвараюцца поласці, запоўненыя мелым міцэліем з пікнідамі. Інфекцыя захоўваецца ў насенні, караняплодах, пасляўборачных рэштках, у перыяд зімовага захоўвання пачынаецца гніенне пашкоджаных тканак.

Хваробе спрыяе вільготнае надвор’е. Гібель насеннікаў можа дасягаць 50 %.

Меры барацьбы

Для барацьбы з захворваннем прымяняюць выкарыстанне ўстойлівых сартоў, пратручванне насення, апырскванне фунгіцыдамі, севазварот, знішчэнне раслінных рэшткаў.

Літаратура

• Вянгеляускайте А. П., Жуклене Р. М., Жуклис Л. П. Вредители и болезни овощных культур. — М: Агропромиздат, 1989. — 462 с.
• Фомозы // Сельскохозяйственный энциклопедический словарь. — Советская энциклопедия, 1989. — С. 568.
• Словарь-справочник фитопатолога. — Гос. изд-во сельхоз. лит-ры, 1959. — С. 359—360.
• Справочник агронома по защите растений / Нурмуратов Т. Н., Шек Г. Х. — Алма-Ата: Кайнар, 1983. — 184 с.