Фаўстына Кавальская

Фаўстына Кавальская
Faustyna Kowalska
Свецкае імя	Гэлена
Дата нараджэння	25 жніўня 1905(1905-08-25)[…]
Месца нараджэння	Глаговец[d], Гміна Свініцы Варцке, Лэнчыцкі павет, Лодзьскае ваяводства, Польшча
Дата смерці	5 кастрычніка 1938(1938-10-05)[…] (33 гады)
Месца смерці	Кракаў, Польская Рэспубліка
Месца пахавання	Chapel of St. Joseph in Kraków[d]
Манаскае імя	Марыя Фаўстына
Шануецца	Каталіцкая царква
Беатыфікавана	18 красавіка 1993
Кананізавана	30 красавіка 2000
У ліку	canonized saint[d] і блаславёны
Галоўная святыня	магіла ў санктуарыі Божай Міласэрнасці (Кракаў)
Дзень памяці	5 кастрычніка
Заступніца	Лодзь
Працы	Дзённік
Медыяфайлы на Вікісховішчы

Алена Кавальская (па-польску: Helena Kowalska ; 25 жніўня 1905, Глаговец ля Лодзі ў Польшчы — 5 кастрычніка 1938, Кракаў). Вядомая як святая «Сястра Марыя Фаўстына Кавальская», манахіня з Ордэну Сёстраў Маці Божай Міласэрнасці ў Каталіцкай Царкве, перадусім як апостал культу Божай Міласэрнасці.

Біяграфія

Пасведчанне аб нараджэнні 1905

З’явілася на свет 25 жніўня 1905 года як трэцяе дзіця ў шматдзетнай сям’і Марыяны і Станіслава Кавальскіх, земляробаў з вёскі Глаговец. Постаць святой Сястры Фаўстыны Кавальскай неразрыўна злучана з культам Божай Міласэрнасці. Сам Бог абраў яе як свой інструмент для распаўсюду Яго шанавання. Зрабіў яе сваім голасам. Гэтай простай, але пакорнай манахіні, Бог даверыў місыю Міласэрнасці. У дзяцінстве мусіла цяжка працаваць, у школе падставовай навучылася адзінае чытаць, пісаць і трохі лічыць. У шаснаццаць год пачынае працаваць у якасці хатняй прыслугі.

На дваццатым годзе жыцця пасля шматлікіх цяжкасцей уступіла да Ордэну Сёстраў Маці Божай Міласэрнасці і пражыла там трынаццаць год. Працавала на кухні, у садзе, пекарні і на фурце ў некалькіх дамах кангрэгацыі, найдаўжэй у Плоцку, Вільні і Кракаве. Мела досвед моцных спакусаў супраць веры, пачуцце суцэльнай адарванасці ад Бога, а таксама хваробы і неразуменне з боку асяроддзя. З яе дзённіка даведваемся, што ў часе прыватнага аб’яўлення ў Плоцку 22 сакавіка 1931 года атрымала ад Госпада Ісуса пажаданне, каб пачала пашыраць культ Божай Міласэрнасці, а таксама намалявала Ікону Ісуса Міласэрнага з узору, які бачыла. Прайшоўшы праз выпрабаванні, 5 кастрычніка 1938 года на трыццаць трэцім годзе жыцця адыходзіць да Госпада за вечнай узнагародай. Пахаваная ў Лагеўніках (частка Кракава) 7 кастрычніка 1938 года — ва ўрачыстасць Маці Божай Ружанцовай (была гэта таксама першая пятніца месяца). Пры кляштары ў Лагеўніках, дзе знаходзіцца магіла святой, існуе зараз Санктуарый Божай Міласэрнасці.

Ушанаванне

21 кастрычніка 1965 года распачаўся фармальны інфармацыйны працэс адносна жыцця сястры Фаўстыны. Беатыфікаваная ў Рыме 18 красавіка 1993 года Святым Айцом Янам Паўлам II, і кананізаваная 30 красавіка 2000 года. Тады ж было ўсталявана літургічнае Свята Божай Міласэрнасці.

У гонар Фаўстыны Кавальскай названы астэроід (798737) Фаўстына.

Гл. таксама

• Санктуарый

Літаратура

• A. Sikorski, La Serva di Dio suor Faustina Kowalska (1905—1938). Itinerario spirituale ed esperienza mistica, Roma 1986 (mps Biblioteka Papieskiego Wydziału Teologicznego «Teresianum»)

Спасылкі

• Сайт пра Сястру Фаўстыну Кавальскую Архівавана 1 жніўня 2009.
• Сайт пра Сястру Фаўстыну (шматмоўны) Архівавана 30 студзеня 2019.
• Афіцыйны сайт Санктуарыя Божай Міласэрнасці ў Кракаве — Лагеўніках
• Жыццяпіс на сайце Ватыкану
• Духоўны Дзённічак Св. Сястры Марыі Фаўстыны (па-польску) Архівавана 25 жніўня 2006.