Феерверк

Феерверкі ў Японіі

Феерверкі

Феерверк (ням.: Feuerwerk, ад па-нямецку: Feuer — агонь і па-нямецку: Werk — справа, праца) — дэкаратыўныя агні розных колераў і формаў, якія атрымліваюцца пры спальванні піратэхнічных саставаў.

Гісторыя

Першыя паведамленні пра феерверкі ўзыходзяць да Кітая 7 стагоддзя, дзе яны былі вынайдзены. Феерверкі выкарыстоўваліся для суправаджэння многіх святаў. Гэта было часткай культуры Кітая і ўзяло там свой пачатак; у канчатковым выніку яна распаўсюдзілася ў іншыя культуры і грамадства. Важныя падзеі і святы, такія як свята вясны (Кітайскі Новы год) і Свята сярэдзіны восені былі і застаюцца цяпер тым часам, калі гарантуецца феерверк. Кітай з’яўляецца найбуйнейшым вытворцам і экспарцёрам феерверкаў у свеце.

Склад

Асноўнымі складнікамі феерверкаў з’яўляюцца:

• корпус (з кардона, паперы, алюмінію, пластмас);
• зарады (вышыбныя, узгаральна-разрыўныя і гукавыя) з дымных порахаў, бяздымных порахаў і піратэхнічных складнікаў тыпу фотасумесяў;
• піраэлементы ў выглядзе зорачак, паходняў, таблетак з светлавых, дымавых і гукавых піратэхнічных складнікаў;
• сродкі ўзгарання — вогнеправодны шнур, электраўзгаральнікі.

Найбольш часта феерверкі складаюцца з паперы, кардоннай трубкі ці корпуса, запоўненага гаручым матэрыялам, часта — піратэхнічнымі зоркамі. Гэтыя трубкі звычайна вырабляюцца ў розных спалучэннях, каб утвараць пры гарэнні разнастайныя бліскучыя формы, часта — рознакаляровыя. Феерверкі на аснове сігнальных ракет з’яўляюцца самай распаўсюджанай формай феерверкаў, хоць упершывю выкарыстоўваліся ў ваенных мэтах.

Феерверкі могуць быць распрацаваны для гарэння з агнём і іскрамі многіх колераў, звычайна чырвоным, аранжавым, жоўтым, зялёным, сінім, фіялетавым, срэбраным і залатым.

Пры гарэнні піратэхнічныя складнікі могуць развіваць высокую тэмпературу (да 3000 °C).

Феерверкі звычайна класіфікуюцца па месцы, дзе яны праводзяцца: на зямлі або паветры. У апошнім выпадку яны могуць забяспечыць сваю ўласную цягу (узмацніцца) або выстрэльваюць у паветра з дапамогай гарматы.

Выкарыстанне

Феерверкі запускаюцца з выкарыстаннем феерверкавых прылад, якія звычайна размяшчаюцца ў некалькіх месцах. Феерверк можа прымаць розныя формы, аднак звычайна прысутнічаюць чатыры асноўныя эфекты: шум, святло, дым і лятучыя матэрыялы (напрыклад, канфецці). Феерверкавыя прадстаўленні папулярны ва ўсім свеце і з’яўляюцца часткай многіх культурных і рэлігійных урачыстасцяў.

Спасылкі

• На Вікісховішчы ёсць медыяфайлы па тэме Феерверк