Феліцыян Шчасны Каварскі

Феліцыян Шчасны Каварскі
Дата нараджэння	8 лістапада 1890(1890-11-08)
Месца нараджэння	Старасельцы[d], Беластоцкі павет, Гродзенская губерня, Літоўскае генерал-губернатарства, Расійская імперыя
Дата смерці	22 верасня 1948(1948-09-22) (57 гадоў)
Месца смерці	Канстанцін-Язёрна, Гміна Канстанцін-Язёрна, Пясэчынскі павет, Мазавецкае ваяводства, Польшча
Месца пахавання	Старыя Павонзкі
Грамадзянства	Польшча
Род дзейнасці	мастак, выкладчык універсітэта, скульптар
Месца працы	Кракаўская акадэмія мастацтваў Акадэмія прыгожых мастацтваў у Варшаве
Вучоба	Імператарская Акадэмія мастацтваў
Узнагароды
Медыяфайлы на Вікісховішчы

Феліцыян Шчасны Каварскі (польск.: Felicjan Szczęsny Kowarski; 1890, Старасельцы(польск.) бел. пад Беластокам — 1948, Канстанцін-Язёрна) — польскі мастак, скульптар і педагог. Член польскіх мастацкіх аб’яднанняў «Рытм(польск.) бел.», «Прызмат(польск.) бел.» і «Аднарог(польск.) бел.».

Біяграфія

Нарадзіўся ў 1890 годзе ў Старасельцах(польск.) бел. пад Беластокам. У 1902—1908 гадах навучаўся ў мастацкай школе ў Адэсе, у 1910—1918 гадах у Акадэміі мастацтваў у Пецярбургу.

Мірскі замак, 1929

У 1920 годзе вярнуўся ў Польшчу. Жыў спачатку ў Торуні, але ўжо з 1923 года стаў прафесарам манументальнага жывапісу Кракаўскай акадэміі мастацтваў. У 1928 годзе ўдзельнічаў у стварэнні паліхромнага роспісу сцен фасадаў — будынкаў рынку Старога горада ў Варшаве. Атрымаўшы замову на роспіс некалькіх плафонаў у замку на Вавелі, верагодна, распачаў вандроўку ў Нясвіж і Мір для вывучэння старадаўніх замкаў і іх манументальнага ўбрання.

У 1930 годзе перабраўся ў Варшаву і стаў прафесарам Варшаўскай акадэміі мастацтваў. Крытыкі бачылі ў яго творчасці ўплыў пецярбургскага аб’яднання «Свет мастацтва». Пасля вайны творца працягваў выкладаць у Акадэміі. Памёр у 1948 годзе ў Канстанціне пад Варшавай. Яго работы захоўваюцца ў Нацыянальным музеі ў Варшаве.

Спасылкі

• Рарытэты музейнай калекцыі