Фліндэрс (востраў)

З пляцоўкі Вікіпедыя
Jump to navigation Jump to search
Фліндэрс
англ. Flinders
Flinders island.jpg
Выгляд з космасу
Характарыстыкі
Плошча1 333 км²
Найвышэйшы пункт756 м
Насельніцтва833 чал. (2016)
Шчыльнасць насельніцтва0,62 чал./км²
Размяшчэнне
40°00′ пд. ш. 148°07′ у. д.HGЯO
АкваторыяБасаў праліў
Краіна
РэгіёнТасманія
Фліндэрс (востраў) (Аўстралія)
Фліндэрс
Фліндэрс
Фліндэрс (востраў) (Тасманія)
Фліндэрс
Фліндэрс
Commons-logo.svg Аўдыё, фота і відэа на Вікісховішчы

Востраў Фліндэрс (англ.: Flinders Island) — востраў у праліве Баса, які ляжыць за 20 км на паўночны ўсход ад вострава Тасманія. Найбуйнейшы востраў у групе астравоў Фюрно. Уваходзіць у склад штата Тасманія. Плошча вострава — каля 1333 км². Вышэйшая кропка — гара Стшалецкага (756 м). Найбуйнейшыя населеныя пункты — Уайтмарк (англ.: Whitemark) і Лэдзі-Бэран (англ.: Lady Barron).

Насельніцітва (2016 г.) — 833 чалавек[1].

Геаграфія[правіць | правіць зыходнік]

Прыбярэжныя скалы

У геалагічнай будове вострава Фліндэрс пераважаюць горныя хрыбты, якія складзеныя з гранітных парод і займаюць трэць усяго вострава. Найбольш буйныя з іх — града Стшалецкага (англ.: Strezelecki Range), Дарлінг (англ.: Darling Range), гара Кілікрэнкі (англ.: Mount Killiecrankie) і Патрыярх (англ.: The Patriarchs).

Прыкладна палова вострава ўяўляе сабою прыбярэжныя выдмы з роднаснымі глебавымі адкладамі, якія фармуюць раўніну ва ўсходняй частцы вострава Фліндэрс і вузкую паласу на заходнім узбярэжжы. У шматлікіх нізінных месцах са мноствам лагун можна знайсці эстуарыявыя пласты з пяску, гліны і галькі. Вышэйшая кропка вострава Фліндэрс — гара Стшалецкага (756 м). Іншыя пікі дасягаюць вышыні 400 м.

Мноства невялікіх рачных струменяў, якія бягуць у бок берага, утвараюць пераважны малюнак гідраграфічнай сеткі. Найбуйнейшыя рэкі, якія бяруць пачатак у сельскагаспадарчых землях, цякуць у бок усходняга ўзбярэжжа і ўпадаюць у чатыры вузкіх марскіх заліва. Шматлікія рэкі з'яўляюцца толькі пасля моцных дажджоў, што звязана з маленькай даўжынёй рэк і крутасцю мясцовасці, па якой яны цякуць.

Уздоўж усходняга берага вострава Фліндэрс размешчана мноства прыбярэжных лагун.

Клімат марскі мяккі. Найбольш цёплы месяц — люты, калі тэмпература трымаецца каля +22,7°C. У ліпені яна паніжаецца да +13,4°C, вядомы выпадкі замаразкаў да -3,5°C. Сярэднегадавая колькасць ападкаў — 743,7 мм.

Прырода[правіць | правіць зыходнік]

З-за рознай колькасці ападкаў, вышыннасці, геалагічнай будовы і ландшафту на астравах вялікая разнастайнасць глеб і формаў расліннасці. Уздоўж прыбярэжных выдмаў пераважаюць глебы з вялікім утрыманнем вапны, на якіх растуць нізкарослыя хмызнякі і нізінныя дрэвы. На мяккахвалістых раўнінах у заходняй частцы вострава пераважае монафракцыённы пясок і неаднастайныя глебы, на якіх растуць эўкаліпты.

Востраў Фліндэрс знакаміты мноствам рэдкіх відаў птушак. Цэнтральная і ўсходняя часткі вострава абвешчаны тэрыторыямі, важнымі для птушак, створаны асаблівы ахоўваемы рэжым.

Гісторыя[правіць | правіць зыходнік]

У канцы верхняга палеаліта Фліндэрс быў населены продкамі абарыгенаў, аднак каля 6000 — 4000 гадоў таму карэннае насельніцтва знікла па невядомых прычынах.

У 1773 г. востраў быў адкрыты чальцамі экспедыцыі Дж. Кука. У 1798 г. на ім высадзіўся брытанскі мараплавец М. Фліндэрс, у гонар якога была дадзена сучасная назва. З канца XVIII ст. тут часова сяліліся паляўнічыя на кітоў.

У 18301847 гг. на востраве дзейнічала станцыя, дзе былі паселены абарыгены Тасманіі. Хаця пасля закрыцця станцыі, абарыгены былі зноў пераселены ў Тасманію, 16% сучасных астравіцян лічаць іх сваімі нашчадкамі. З канца XIX ст. на Фліндэрсе сяліліся мігранты з Тасманіі еўрапейскага паходжання. У 1903 г. быў створаны асобны муніцыпалітэт.

У нашы дні насельніцтва займаецца сельскай гаспадаркай і абслугоўваннем турыстаў.

Зноскі

Спасылкі[правіць | правіць зыходнік]