Фрай (Футурама)

З Вікіпедыі, свабоднай энцыклапедыі
(Пасля перасылкі з Фрай, Футурама)

Піліп Дж. Фрай (англ.: Philip J. Fry; нарадзіўся 14 жніўня 1975 г.), ці проста Фрай — галоўны герой мультсерыяла «Футурама», няўдачнік і лайдак. Ён агучаны Білі Вестам. Фрай — хлопец з XX стагоддзя, які працаваў развозчыкам піцы, прачнуўся ў XXX стагоддзі пасля таго, як выпадкова патрапіў у крыягенную камеру і быў замарожаны напярэдадні новага 2000 года.

Характар[правіць | правіць зыходнік]

Па характары Фрай — аморфны няўдачнік, які не жадае нічога мяняць у сваім жыцці. Нельга сказаць, што ён вельмі дурны, але з-за неверагоднай ляноты ён проста няздольны да доўгіх разумовых працэсаў. Фрай не дужа інтэлігентны і вядзе бессаромны, нахабны лад жыцця. Ён жыве ў кватэры свайго лепшага сябра Бэндэра, паводзіць сябе як сапраўдная свіння (хоць гэта не хвалюе гаспадара кватэры), рэдка будуе планы нават на пяць хвілін наперад. Любіць глядзець шоу тыпу «Бязладная бяссэнсіца свету» і спяваць «Walking on Sunshine», калі прымае душ.