Францішак Ксаверый Аляксінскі

Францішак Ксаверый Аляксінскі
Дата нараджэння	1758
Дата смерці	1826
Месца смерці	Плоцк, Расійская імперыя
Род дзейнасці	мастак
Медыяфайлы на Вікісховішчы

Францішак Ксаверый Аляксінскі (польск.: Franciszek Ksawery Olexiński; 1758 — 1826, Плоцк) — польскі мастак-мініяцюрыст.

Біяграфія

Вучыўся ў Вільні. Паступіў на службу ў полк пешай гвардыі ВКЛ, атрымаў чын паручніка. Па справах службы часта бываў у Каралеўскім замку ў Варшаве, дзя яго артыстычныя здольнасці прыкмеціў кароль польскі і вялікі князь літоўскі Станіслаў Аўгуст Панятоўскі. Ф. Аляксінскі быў накіраваны на вучобу да Ф. Смуглевіча, пасля да прыдворнага каралеўскага мініяцюрыста В. Лясё, пад кіраўніцтвам каторага выконваў мініяцюры для табакерак, персняў і медальёнаў. З 1790-х гадах працаваў самастойна. У 1793 годзе пакінуў вайсковую службу і пасяліўся ў Вільні. З 1814 года ў Варшаве, знаходзіўся на цывільнай службе. У 1823 годзе прадставіў на Варшаўскай выстаўцы 2 партрэты і мініяцюру. Вядомыя мініяцюры Ф. Аляксінскага — партрэты Тадэвуша Касцюшкі, Юзафа Панятоўскага, Яна Генрыка Дамброўскага, Іахіма Храптовіча, Станіслава Аўгуста Панятоўскага, Юльяна Нямцэвіча і інш.

Літаратура

• Аляксінскі // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — 696 с. — ISBN 978-985-11-0487-7 (т. 3), ISBN 985-11-0315-2.