Фромбарк

Горад
Фромбарк
польск.: Frombork
Сцяг Герб
54°21′30″ пн. ш. 19°40′59″ у. д.
Краіна	Польшча
Ваяводства	Вармінска-Мазурскае
Павет	Бранеўскі
Гміна	Фромбарк
Бурмістр	Збігнеў Пяткевіч
Гісторыя і геаграфія
Плошча	7,59 км²
Часавы пояс	UTC+1, летам UTC+2
Насельніцтва
Насельніцтва	2 415 чалавек (2018)
Шчыльнасць	318,2 чал./км²
Лічбавыя ідэнтыфікатары
Тэлефонны код	+48 55
Паштовы індэкс	14-530
TERC	2802034
Іншае
SIMC	0932732
frombork.pl
Паказаць/схаваць карты
Фромбарк Фромбарк
Медыяфайлы на Вікісховішчы

Фромбарк (польск.: Frombork, ням.: Frauenburg) — горад у Польшчы на беразе Віслінскага заліва, марскі порт і пагранічны пункт пропуску. Уваходзіць у склад Бранеўскага павета Вармінска-Мазурскага ваяводства, сядзіба вяскова-гарадской гміны Фромбарк. Займае плошчу 7,59 км². Насельніцтва 2415 чалавек (на 2018).

Гісторыя

Першая летапісная згадка аб паселішчы — 1278 год. Сучасная польская назва горада — гэта фанетычная перадача нямецкамоўнай назвы «Frauenburg» — «Горад Дзевы (Марыі)», якая паходзіць ад тытула першага катэдральнага касцёла горада, асвечанага ў гонар Найсвяцейшай дзевы Марыі. Першапачаткова горад быў уласнасцю біскупаў вармінскіх, з 1320 года адносіўся да Вармінскай капітулы. Па выніках Таруньскага міру 1466 года горад адыйшоў да Кароны Каралеўства Польскага. У Фромбарку як вармінскі канонік з 1510 года і амаль бесперапынна да дня сваёй смерці ў 1543 годзе жыў і працаваў Мікалай Капернік. З 1772 года горад увайшоў у склад Прусіі. У пачатку ХІХ стагоддзя Фромбарк меў такі нізкі статус, што лічыўся невялічкім рыбацкім паселішчам. У 1945 горад зноў стаў часткай Польшчы.

Спасылкі

• Афіцыйная старонка горада