Фэгэраш (горны масіў)

Фэгэраш
рум. Munţii Făgăraşului
Горны масіў Фэгэраш (від з гары Негою, 2535 м)
Краіна	Румынія
Горная сістэма	Паўднёвыя Карпаты
Даўжыня	60 км
Найвышэйшая вяршыня	Малдавяну
Вышэйшы пункт	2544 м
Медыяфайлы на Вікісховішчы

Фэгэра́ш (рум.: Munţii Făgăraşului) — горны масіў у Паўднёвых Карпатах.

Масіў знаходзіцца ў самым цэнтры Румыніі, у ім размешчаны найвышэйшыя вяршыні краіны — Малдавяну (2544 м), Негою (2535 м), Вішця-Марэ (2527 м) і Леспезі (2522 м). Прасціраецца Фэгэраш прыкладна на 60 км паміж далінай Олта і вытокамі ракі Дымбавіца.

Геалагічна масіў складзены крышталічнымі пародамі. Схілы пакрыты букавымі, дубовымі і хвойнымі лясамі да вышыні каля 1700 м, вышэй — горныя лугі. На вышыні вышэй за 2000 м размешчана некалькі адносна буйных ледніковых азёр.

Праз масіў праходзіць Трансфэгэрашская шаша, якая злучае Валахію і Трансільванію.