Фядот Мікалаевіч Казакоў

З пляцоўкі Вікіпедыя
Jump to navigation Jump to search
Фядот Мікалаевіч Казакоў
Дата нараджэння 1901
Месца нараджэння
Месца працы
Альма-матар

Фядот Мікалаевіч Казакоў (1901, Чорная Вірня, Рагачоўскі паветМагілёўская губерня, Расійская імперыя — ?) — беларускі дзяржаўны дзеяч, педагог.

Біяграфія[правіць | правіць зыходнік]

Нарадзіўся ў шматдзетнай беларускай сялянскай сям’і. Па заканчэнні педагагічнага тэхнікума ў 1924 годзе быў накіраваны ў Кармянскую сямігодку. У красавіку 1925 года прызначаецца загадчыкам раённага аддзела народнай адукацыі і абіраецца членам Кармянскага раённага выканкама. У 1929—1932 гадах вучыўся ў Мінскім педагагічным інстытуце. З 1932 па 1934 год узначальваў школьны сектар народнага камісарыята асветы БССР і мінскі гарадскі аддзел народнай адукацыі. У 1935—1939 гадах кіраваў Магілёўскім педагагічным інстытутам. Арыштаваны 4 ліпеня 1938 года. Абвінавачваўся ў «правядзенні антысавецкай прапаганды». 28 мая 1939 вызвалены і рэабілітаваны пастановай НКУС Магілёўскай вобласці. З 1939 па 1941 год узначальваў магілёўскі абласны аддзел народнай адукацыі. З 1941 па 1946 год служыў у Чырвонай Арміі ў Паўднёва-Ўральскай вайсковай акрузе. З 1946 па 1947 год працаваў дырэктарам Гомельскага педагагічнага інстытуту імя В. П. Чкалава. У наступныя гады працаваў намеснікам міністра адукацыі БССР.

Спасылкі[правіць | правіць зыходнік]

Літаратура[правіць | правіць зыходнік]