Фядот Пракопавіч Падалян

Фядот Пракопавіч Падалян
Фядот Пракопавіч Падалян
Дата нараджэння	17 ліпеня 1909
Месца нараджэння	Руса-Крыклівец, Альгопальскі павет[d], Падольская губерня, Расійская імперыя;
Дата смерці	4 студзеня 1971 (61 год)
Месца пахавання	Васкрасенскія могілкі;
Альма-матар	МДУ імя А. А. Куляшова (1956);
Грамадзянства	СССР;
Званне	старшы лейтэнант
Камандаваў	11-я Быхаўская партызанская брыгада і Быхаўская ваенна-аператыўная група
Узнагароды і званні	Ганаровы грамадзянін горада Быхава[d]

Фядот Пракопавіч Падалян (17 ліпеня 1909, в. Руса-Крыклівец, Альгопальскі павет, Падольская губерня, цяпер Крыклівец, Вінніцкая вобласць — 4 студзеня 1971) — адзін з кіраўнікоў партызанскага руху ў Магілёўскай вобласці ў Вялікую Айчынную вайну.

Біяграфія[правіць | правіць зыходнік]

Нарадзіўся 17 ліпеня 1909 года ў вёсцы Руса-Крыклівец Альгопальскага павета Падольскай губерні (цяпер Крыклівец, Вінніцкая вобласць) у сям’і селяніна. З 1928 года на культурна-асветнай і гаспадарчай працы.

З 1931 года — у Чырвонай Арміі. Член КПСС з 1938 года.

Вялікую Айчынную вайну сустрэў пад Слонімам, з красавіка 1942 года ў партызанах: радавы, камандзір узвода, роты, атрада. З красавіка па ліпень 1943 года з’яўляўся камандзірам 11-й Быхаўскай партызанскай брыгады. З ліпеня — камандзір, а з лістапада 1943 года кіраўнік Быхаўскай ваенна-аператыўнай групы, адначасова ў лістападзе 1943 — лютым 1944 года — сакратар Быхаўскага падпольнага райкама партыі.

У 1944—1965 гадах на партыйнай і савецкай рабоце ў Бабруйскай і Магілёўскай абласцях. У 1956 годзе завочна скончыў Магілёўскі педінстытут.

У пасляваенныя гады перадаў у Быхаўскі раённы гісторыка-краязнаўчы музей сцяг 11-й Быхаўскай партызанскай брыгады, які быў пашыты рукамі быхаўскіх партызанак з бардовага плюшу і марлі. Таксама падараваў музею машынку, на якой падчас вайны друкаваліся матэрыялы для падпольнай газеты «Партызан Быхаўшчыны» і лістоўкі^[2].

Памёр 4 студзеня 1971 года. Пахаваны на Васкрасенскіх могілках у Магілёве.

Узнагароды[правіць | правіць зыходнік]

Узнагароджаны 2 ордэнамі Леніна, ордэнамі Чырвонага Сцяга і Працоўнага Чырвонага Сцяга.

Улічваючы вялікія заслугі Фядота Падаляна ў развіцці партызанскага руху на Быхаўшчыне, у дзень святкавання 25-годдзя вызвалення раёна ад нямецка-фашысцкіх захопнікаў рашэннем гарадскога Савета дэпутатаў працоўных яму прысвоена званне «Ганаровы грамадзянін горада Быхава». Яго імем названа вуліца ў Быхаве.

Зноскі

↑ https://pamyat-naroda.ru/heroes/podvig-chelovek_nagrazhdenie10061712/
↑ Сяргей Жыжыян. Музейны ўнікат. Быхаўскія скарбы (бел.). Літаратура і мастацтва № 33 (23 жніўня 2013). Праверана 29 мая 2021.

Спасылкі[правіць | правіць зыходнік]

Фядот Пракопавіч Падалян на сайце анлайн-энцыклапедыі «Беларусь у асобах і падзеях»

[_9db41284fe68175c-1] ttps://pamyat-naroda.ru/heroes/podvig-chelovek_nagrazhdenie10061712/

[2] Сяргей Жыжыян. Музейны ўнікат. Быхаўскія скарбы (бел.). Літаратура і мастацтва № 33 (23 жніўня 2013). Праверана 29 мая 2021.

[1]

[2]