Фёдар Яфрэмавіч Макавецкі

З пляцоўкі Вікіпедыя
Jump to navigation Jump to search
Фёдар Яфрэмавіч Макавецкі
Фёдар Яфрэмавіч Макавецкі.jpg
Дата нараджэння 25 лютага 1899(1899-02-25)
Месца нараджэння в. Багданаўка цяпер Талачынскі раён, Віцебская вобласць, Беларусь.
Дата смерці 7 мая 1974(1974-05-07) (75 гадоў)
Месца смерці г. п. Коханава, Талачынскі раён, Віцебская вобласць
Альма-матар
Прыналежнасць Сцяг СССР СССР
Род войскаў пяхота
Гады службы 19191947
Званне гвардыі падпалкоўнік
Часць 75-я гвардзейская стралковая дывізія; 302-я стралковая дывізія
Камандаваў 231-м гвардзейскім стралковым палком; 825-м стралковым Цярнопальскім Чырванасцяжным палком
Бітвы/войны Грамадзянская вайна ў Расіі, Вялікая Айчынная вайна
Узнагароды і прэміі
Медаль «Залатая Зорка»
Ордэн Леніна Ордэн Чырвонага Сцяга Ордэн Чырвонага Сцяга
Ордэн Чырвонага Сцяга Ордэн Чырвонага Сцяга Ордэн Чырвонай Зоркі
Медалі

Фёдар Яфрэмавіч Макавецкі (25 лютага 1899, вёска Багданаўка, Талачынскі раён, Віцебская вобласць — 7 мая 1974) — удзельнік Грамадзянскай і Вялікай Айчыннай войнаў, Герой Савецкага Саюза (1943).

Біяграфія[правіць | правіць зыходнік]

Нарадзіўся ў сям'і сялян. Скончыў 8 класаў школы. У Чырвонай Арміі з 1919 года. Удзельнік грамадзянскай вайны. Скончыў Кароткатэрміновыя курсы ваенных камандзіраў у Маскве, у 1926 годзе — Аб'яднаную ваенную школу імя Леніна ў Ташкенце, у 1935 годзе — курсы «Выстрал». У 1927—1937 гг. на службе у пагранічных войсках НКУС СССР. У 1938 г. скончыў Вышэйшую пагранічную школу і выкладаў у Саратаўскай пагранічнай школе НКУС СССР.

У час Вялікай Айчыннай вайны са студзеня 1942 г. на Паўднёва-Заходнім, Варонежскім, Сталінградскім, Данскім, Цэнтральным, Беларускім, 1-м і 4-м Украінскім франтах. Удзельнічаў у Сталінградскай і Курскай бітвах. Стралковы полк пад камандаваннем падпалкоўніка Ф. Я. Макавецкага вызначыўся 21 верасня 1943 г. пры фарсіраванні рэк Дзясна і Дняпро на поўнач ад Кіева.

Да 1947 года служыў у Савецкай Арміі. Жыў і працаваў у гарадскім пасёлку Коханава Талачынскага раёна. Памёр Ф. Я. Макавецкі 7 мая 1974 г.

Зноскі

Літаратура[правіць | правіць зыходнік]

  • Памяць: Гісторыка-дакументальная хроніка Талачынскага раёна / Рэдкал.: І. П. Шамякін (гал. рэд.) і інш.. — Мн.: БелСЭ, 1988. — 654 с. — 20 000 экз. — ISBN 5-85700-007-6.
  • Белінскі, М. Герой Савецкага Саюза Ф. Е. Макавецкі / Віцебскі рабочы. — 1947. — 22 чэрв.
  • Захараў, Г. Партрэт героя / Г. Захараў // Віцебскі рабочы. — 1972. — 15 ліп.

Спасылкі[правіць | правіць зыходнік]