Фізіка-матэматычны факультэт БДПУ імя М. Танка

Фізіка-матэматычны факультэт
Фізіка-матэматычны факультэт
	Беларускі дзяржаўны педагагічны ўніверсітэт імя Максіма Танка
Ранейшыя назвы	З 1974 па 2015 быў падзелены на матэматычны і фізічны.
Заснаваны	1947, 2015
Дэкан	Аляксандр Аляксандравіч Францкевіч
Месцазнаходжанне	Беларусь, Мінск, вул. Савецкая, 18К2
	fmf.bspu.by

Фізіка-матэматычны факультэт БДПУ імя М. Танка — структурнае падраздзяленне БДПУ імя М. Танка.

Гісторыя

Развіццё народнай адукацыі ў БССР ў 1940-х гадах паказала вострую неабходнасць арганізацыі падрыхтоўкі выкладчыкаў фізікі і матэматыкі. У сувязі з гэтым кіраўніцтвам рэспублікі было прынятае рашэнне: стварыць у Мінскім дзяржаўным педагагічным інстытуце імя А. М. Горкага фізіка-матэматычны факультэт з аддзяленнямі фізікі і матэматыкі. У 1946 годзе быў ажыццёўлены першы набор студэнтаў (24 чалавекі) на гэтыя аддзяленні, якія спачатку існавалі ў складзе педагагічнага факультэта, для падрыхтоўкі настаўнікаў фізіка-матэматычнага профілю. У снежні гэтага ж года была створана кафедра фізікі і матэматыкі (першы загадчык — дацэнт А. Х. Турэцкі).

Фізіка-матэматычны факультэт арганізацыйна вылучыўся ў самастойны ў жніўні 1947 года, у 1950 годзе зрабіў свой першы выпуск: скончылі факультэт 22 чалавекі (15 — аддзяленне матэматыкі і 7 — аддзяленне фізікі).

У жніўні 1974 года ў адпаведнасці з рэкамендацыямі дзяржінспекцыі Міністэрства вышэйшай адукацыі СССР пастановай Вучонай рады ў адпаведнасці з загадам рэктара інстытута на базе фізіка-матэматычнага факультэта былі створаны два самастойныя факультэты: матэматычны і фізічны.^[1]

У 2015 годзе матэматычны і фізічны факультэты былі аб’яднаныя ў фізіка-матэматычны факультэт.

Сучаснасць

Напрамкі навучання

Фізіка-матэматычная адукацыя (матэматыка і інфарматыка)
Фізіка-матэматычная адукацыя (матэматыка і фізіка)
Фізіка-матэматычная адукацыя (фізіка і інфарматыка)

Магістратура

Фізіка-матэматычная адукацыя. Прафілізацыя: Матэматыка, фізіка, інфарматыка
Фізіка-матэматычная адукацыя. Прафілізацыя: Адукацыйная робататэхніка^[2]

Структура факультэта

У складзе факультэта 3 кафедры:

Кафедра	Загадчык
Кафедра матэматыкі і методыкі выкладання матэматыкі	дацэнт Мікалай Васільевіч Грыб
Кафедра інфарматыкі і методыкі выкладання інфарматыкі	дацэнт Сяргей Ільіч Чубараў
Кафедра фізікі і методыкі выкладання фізікі	прафесар Валерый Раманавіч Собаль

Дэканы

Мікалай Аляксандравіч Бяссонаў (1947—1951)^[3]
Леанід Аляксеевіч Тоўсцік (1951—1958)^[4]
Сяргей Арсеньевіч Каралёў (1958—1974)^[5]
Уладзімір Адамавіч Шылінец (2015)
Сяргей Іванавіч Васілец (2015—2020)
Ганна Фёдараўна Клімовіч (2020—2023)
Аляксандр Аляксандравіч Францкевіч (з 2023)

Крыніцы

Спасылкі

Афіцыйны сайт фізіка-матэматычнага факультэта БДПУ імя М. Танка

[1] История факультета

[2] АБ ФАКУЛЬТЭЦЕ (НА БЕЛАРУСКАЙ МОВЕ)

[3] Бяссонаў, Мікалай Аляксандравіч (кандыдат фізіка-матэматычных навук; фізіка ; 1904—1984)

[4] Толстик, Леонид Алексеевич (кандидат педагогических наук ; 1914—1981)

[5] Королев, Сергей Арсеньевич (кандидат технических наук, математик ; 1925—1999)

[1]

[2]

[3]

[4]

[5]