Філалагічны факультэт БДУ

З пляцоўкі Вікіпедыя
Перайсці да: рух, знайсці
Філалагічны факультэт
Беларускі дзяржаўны ўніверсітэт
Logo BSU.jpg
Англійская назва

Faculty of philology

Заснаваны

1939

Дэкан

Роўда Іван Сямёнавіч

Месцазнаходжанне

Сцяг Беларусі Беларусь, Мінск, вул. К. Маркса, 31

philology.bsu.by

Філалагічны факультэт БДУ – структурнае падраздзяленне Беларускага дзяржаўнага ўніверсітэта.

Гісторыя[правіць | правіць зыходнік]

Падрыхтоўка спецыялістаў-філолагаў ва ўніверсітэце пачалася з першага года яго аснавання на этнолага-лінгвістычным аддзяленні факультэта грамадскіх навук БДУ. Пасля працягвалася на літаратурна-лінгвістычным аддзяленні педагагічнага факультэта. На ім працавалі такія вядомыя навукоўцы-філолагі, як акадэмік АН БССР Замоцін, прафесары Барычэўскі, Узнясенскі, Піятуховіч, Бузук. З восені 1923 года лекцыі па беларускай мове і методыцы яе выкладання пачаў чытаць выдатны педагог, класік беларускай літаратуры Якуб Колас.

Годам нараджэння самастойнага філалагічнага факультэта стаў 1939 год. Першым дэканам быў прызначаны выдатны навуковец-лінгвіст прафесар Цімафей Пятровіч Ломцеў. Працяглы час дэканам факультэта з'яўляўся доктар філалагічных навук, прафесар Міхась Рыгоравіч Ларчанка (1943—1945, 1955—1963).

Асновай філалагічнага факультэта да сярэдзіны 1990-х гадоў былі два аддзяленні беларускай мовы і літаратуры і рускай мовы і літаратуры (з восені 1947 па восень 1967 года ў склад факультэта ўваходзіла яшчэ і аддзяленне журналістыкі). У свой час студэнтамі факультэта, а некаторыя пазней і выкладчыкамі, былі народныя пісьменнікі Беларусі Кандрат Крапіва, Іван Мележ, Ніл Гілевіч, Іван Навуменка, Рыгор Барадулін, акадэмік АН Беларусі Аляксандр Падлужны, член-карэспандэнты АН Беларусі Аляксандр Булыка, Міхась Мушынскі і іншыя.

У сярэдзіне 1990-х гадоў пачынаецца актыўная перабудова факультэта. Акрамя традыцыйных беларускай і рускай філалогіі пачынаецца набор на новыя спецыяльнасці: класічнай, славянскай (польскай, украінскай, балгарскай, чэшскай, сербскай), рамана-германскай (англійскай, нямецкай, французскай, італьянскай), усходняй філалогіі.

Структура[правіць | правіць зыходнік]

Кафедры[правіць | правіць зыходнік]

  • Англійскага мовазнаўства
  • Гісторыі беларускай мовы
  • Беларускай літаратуры і культуры
  • Гісторыі беларускай літаратуры
  • Замежнай літаратуры
  • Класічнай філалогіі
  • Нямецкага мовазнаўства
  • Прыкладнай лінгвістыкі
  • Раманскага мовазнаўства
  • Рускай літаратуры
  • Рускай мовы
  • Рыторыкі і методыкі выкладання
  • Славянскіх літаратур
  • Сучаснай беларускай мовы
  • Тэарэтычнага і славянскага мовазнаўства
  • Тэорыі літаратуры
  • Кітайскай філалогіі

Спецыялізацыі[правіць | правіць зыходнік]

  • Беларуская філалогія,
  • Руская філалогія,
  • Класічная філалогія,
  • Славянская філалогія (польская, балгарская, чэшская, сербская, украінская),
  • Рамана-германская філалогія (англійская, нямецкая, французская, італьянская),
  • Усходняя філалогія (кітайская).

Дэканы[правіць | правіць зыходнік]

Выпускнікі[правіць | правіць зыходнік]

У сеціве[правіць | правіць зыходнік]