Філастыктоз яблыні
Філастыктоз яблыні, або бурая плямістасць яблыні[1] — грыбковае захворванне яблынь, выкліканае грыбам віду Mycosphaerella pomi[2][3] (сін. філастыкта яблыневая (Phyllosticta mali)). Адносіцца да группы філастыктозаў.
Апісанне
[правіць | правіць зыходнік]Захворванне распаўсюджана ў зонах з умераным кліматам. Моцна заражанае лісце заўчасна ападае. Аднак хвароба не наносіць вялікіх страт[2].
Ёсць яшчэ дзве хваробы, якія праяўляюцца на лісці яблыні і выклікаюць падобныя сімптомы: карычневая плямістасць лісця яблыні і вуглаватая плямістасць лісця яблыні. Усе тры хваробы разам вядомыя як некратычная плямістасць лісця яблыні[4]. Плямістасць таксама выклікаецца паршой яблыні, якая лічыцца самай небяспечнай хваробай гэтага дрэва, але плямістасці, выкліканыя ёю, адрозніваюцца па марфалогіі[2].
Сімптомы
[правіць | правіць зыходнік]Узбуджальнік пашкоджвае пераважна лісце, у выніку чаго на ім з’яўляюцца невялікія плямы. Спачатку лісты выглядаюць светла-карычневымі з цёмна-шэрай аблямоўкай, затым з’яўляюцца шэра-белыя змены колеру. Па меры прагрэсавання захворвання яны ператвараюцца ў авальныя і нераўнамерна раскіданыя плямы дыяметрам 2-3 мм. У другой палове лета пры вільготным надвор’і на іх з’яўляюцца карычневыя гронкі спор[2].
Этыялогія
[правіць | правіць зыходнік]Зімуюць пікніды на апалым лісці. Увесну яны ўтвараюць канідыяльныя споры, якія вылучаюцца з пікнід падчас вільготнага надвор’я. Распаўсюджваючыся ветрам, яны выклікаюць першаснае заражэнне. Падчас вегетацыі на заражаным лісці ўтвараюцца канідыі, якія выклікаюць другасныя інфекцыі, распаўсюджваючы хваробу[2].
Меры аховы
[правіць | правіць зыходнік]Апрацоўкі, якія выкарыстоўваюцца супраць паршы яблыні, таксама эфектыўныя супраць бурай плямістасці лісця яблыні. Калі хвароба была моцнай у папярэднім годзе, дрэвы апырскваюць фунгіцыдамі ў фазе ружовых бутонаў, у канцы цвіцення і пасля ападу бутонаў у чэрвені. Гэтыя працэдуры паўтараюць 2-3 разы кожныя два тыдні. Найбольш эфектыўныя фунгіцыды медзі і дытыякарбамат[2].
Крыніцы
[правіць | правіць зыходнік]- ↑ Філастыктоз // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.. — С. 206
- ↑ а б в г д е Marek Grabowski: Choroby drzew owocowych. Kraków: Wyd. Plantpress, 1999. ISBN 83-85982-28-0
- ↑ EPPO Global Database.
- ↑ Komunikat sadowniczy z dnia 11.06.2015 – nekrotyczna plamistość liści jabłoni.
Літаратура
[правіць | правіць зыходнік]- Дементьева, М. И. Болезни плодовых культур. — М., 1962
- Натальина О. Б. Болезни ягодников. — М., 1963