Філіп Грыфітс

Філіп Грыфітс
Дата нараджэння	18 кастрычніка 1938(1938-10-18) (86 гадоў)
Месца нараджэння	Ролі, акруга Уэйк[d], Паўночная Караліна, ЗША
Грамадзянства	ЗША
Род дзейнасці	матэматык, выкладчык універсітэта
Навуковая сфера	матэматыка
Месца працы	Прынстанскі ўніверсітэт Гарвардскі ўніверсітэт Каліфарнійскі ўніверсітэт у Берклі Універсітэт Дзьюка Маямскі ўніверсітэт Інстытут перспектыўных даследаванняў[d] Carnegie Corporation of New York[d] Andrew W. Mellon Foundation[d] Інстытут перспектыўных даследаванняў[d] Інстытут перспектыўных даследаванняў[d] Каліфарнійскі ўніверсітэт у Берклі Прынстанскі ўніверсітэт Інстытут перспектыўных даследаванняў[d] Каліфарнійскі ўніверсітэт у Берклі
Альма-матар	Прынстанскі ўніверсітэт Woodward Academy[d]
Навуковы кіраўнік	Дональд Спенсер[d]
Член у	Нацыянальная акадэмія дэі Лінчэі Нацыянальная акадэмія навук ЗША Амерыканская акадэмія мастацтваў і навук Амерыканскае матэматычнае таварыства
Узнагароды	грант Гугенхайма прэмія Чэрна[d] (2014) медаль Браўэра[d] (2008) прэмія імя Дэні Хайменама[d] (1979) Прэмія Вольфа па матэматыцы (2008) прэмія Стыла за выдатныя дасягненні на працягу ўсёй кар’еры[d] (2014) прэмія Стыла[d] (1971) правадзейны член Амерыканскага матэматычнага таварыства[d] (2013) Q126416276? (1980)
Сайт	math.ias.edu/people/facu…
Медыяфайлы на Вікісховішчы

Філіп Грыфітс (англ.: Phillip Augustus Griffiths; нар. 18 кастрычніка 1938, Ролі, Паўночная Караліна) — амерыканскі матэматык-геометр. Доктар філасофіі, эмерыт-прафесар Інстытута перспектыўных даследаванняў у Прынстане, яго дырэктар у 1991—2003 гадах. Член Нацыянальнай акадэміі навук ЗША (1979), Амерыканскага філасофскага таварыства (1992), а таксама Акадэміі дэі Лінчэі. У 2008 годзе ўзнагароджаны прэміяй Вольфа (сумесна з Дэлінем і Мамфардам); двойчы лаўрэат прэміі Стыла (1971, 2014).

Біяграфія

Нарадзіўся ў горадзе Ролі (Паўночная Караліна); для атрымання вышэйшай адукацыі паступіў ва Універсітэт Уэйк-Форэст. У 1959 годзе атрымаў ступень бакалаўра і перайшоў у Прынстанскі ўніверсітэт. На першым годзе навучання там яго навуковым кіраўніком стаў Дональд Спенсер. Пазней Ф. Грыфітс успамінаў, што найбольшы ўплыў на яго вучобу ў гэты перыяд часу аказала кніга Германа Вейля «Die Idee der Riemannschen Fläche», працы Элі Картана і запіскі лекцый Чэрна пра комплексныя мнагастайнасці.

У 1962 годзе абараніў дысертацыю On Certain Homogeneous Complex Manifolds і атрымаў ступень Ph.D. Працаваў у Каліфарнійскім універсітэце ў Берклі (1964—1967), выкладаў матэматыку ў Прынстанскім (1967—1972) і Гарвардскім (1972—1983) універсітэтах, і ва Універсітэце Дзюка (1983—1991). З 1991 па 2003 гады дырэктар Інстытута перспектыўных даследаванняў у Прынстане, і да 2009 года прафесар матэматыкі там жа. Станам на 2014 год ён узначальвае Science Initiative Group.

З’яўляецца членам Амерыканскай акадэміі мастацтваў і навук. У 1995—1998 гадах узначальваў праграмны камітэт Міжнароднага кангрэса матэматыкаў, у 1999—2006 гадах быў сакратаром Міжнароднага матэматычнага саюза. Правадзейны член Амерыканскага матэматычнага таварыства (2012).