Філіп I (герцаг Пармскі)

Філіп I
герцаг Пармскі 1748 — 1765
Папярэднік	Марыя Тэрэзія
Пераемнік	Фердынанд I Пармскі[d]
Нараджэнне	15 сакавіка 1720(1720-03-15)[…] Мадрыд, Мадрыд, Іспанія
Смерць	18 ліпеня 1765(1765-07-18) (45 гадоў) Алесандрыя[d], правінцыя Алесандрыя, П’емонт, Італія
Месца пахавання	Царква Санта-Марыя-дэла-Стэката[d]
Род	Пармскія Бурбоны[d]
Бацька	Філіп V
Маці	Ізабела Фарнезэ
Жонка	Луіза Лізавета Французская[d]
Дзеці	Ізабэла Пармская[d], Фердынанд I Пармскі[d] і Марыя-Луіза Пармская
Дзейнасць	арыстакрат
Аўтограф
Званне	генерал
Узнагароды
Філіп I на Вікісховішчы

Філіп I (ісп.: Felipe I de Borbón; 15 сакавіка 1720 — 18 ліпеня 1765) — іспанскі інфант, герцаг Пармскі, П’ячэнцскі і Гуастальскі (1748—1765) з дынастыі Бурбонаў. Сын караля Іспаніі Філіпа V і яго другой жонкі Ізабелы Фарнезэ. Заснавальнік Пармскай лініі Бурбонаў.

Маці Філіпа, Ізабела Фарнезэ, была адзіным дзіцем герцага Пармы і П’ячэнцы Адаарда II, і ўзяўшы шлюб, яна перадала правы на пармскі прастол іспанскім Бурбонам. У 1731 годзе герцагам Пармы і П’ячэнцы стаў старэйшы брат Філіпа дон Карлас, але ў 1735 годзе, пасля Вайны за польскую спадчыну, ён абмяняў герцагства з Габсбургамі на Неапаль і Сіцылію. Але паводле Аахенскага міру 1748 года Аўстрыя страціла Парму і П’ячэнцу і княства Гуастала. Герцагскі тытул вярнуўся да Бурбонаў і яго атрымаў дон Філіп. Ён стаў заснавальнікам лініі Пармскіх Бурбонаў.

Пасля некалькіх гадоў вайны герцагства было ў сумным становішчы, і каб падняць эканоміку Філіп I прызначыў міністрам Гіёма дзю Тыё. У 1768 годзе герцаг выгнаў езуітаў з Пармы і абвясціў канфіскацыю маёмасці каталіцкай царквы. Ён падтрымліваў развіццё навучання, адкрыў публічныя школы.

Сям’я

У 1739 годзе Філіп ажаніўся з Луізай Елізаветай Французскай (1727—1759), дачкой Людовіка XV і Марыі Ляшчынскай. Дзеці:

• Ізабела (1741—1763), жонка імператара Іосіфа II;
• Фердынанд (1751—1802), наступны герцаг Пармскі;
• Марыя Луіза (1751—1819), жонка караля Іспаніі Карла IV.

Памёр Філіп I 18 ліпеня 1765 года ў Алесандрыі, куды суправаджаў на вяселле сваю дачку Марыю Луізу. Яго спадчыннікам стаў сын Фердынанд I.