Францішак Далмат-Ісайкоўскі

Францішак Далмат-Ісайкоўскі
Герб «Прус I»
9-ы пісар скарбовы літоўскі 10 сакавіка 1623 — 15 снежня 1640
Папярэднік	Ян Далмат-Ісайкоўскі
Пераемнік	Габрыэль Караль Кімбар
3-і смаленскі біскуп 14 лютага 1650 — 1654
Папярэднік	Пётр Парчэўскі
Пераемнік	Геранім Уладзіслаў Сангушка
Нараджэнне	1599(1599) Дунілавічы, Ашмянскі павет, Віленскае ваяводства, Вялікае Княства Літоўскае, Рэч Паспалітая
Смерць	31 мая 1654(1654-05-31)
Род	Далматы-Ісайкоўскія
Бацька	Ян Дзмітрыевіч Далмат-Ісайкоўскі
Веравызнанне	Каталіцкая Царква
Дзейнасць	каталіцкі святар, каталіцкі біскуп

Франці́шак Далма́т-Ісайкоўскі (1599 — 31 мая 1654) — рэлігійны і дзяржаўны дзеяч Вялікага Княства Літоўскага. З шляхецкага роду Далматаў-Ісайкоўскіх, сын Яна Дзмітрыевіча Далмата-Ісайкоўскага.

Біяграфія

Паходзіў са шляхецкага роду Далматаў-Ісайкоўскіх герба «Прус I», сын Яна Дзмітрыевіча.

Канонік віленскі з 1625, сакратар караля Уладзіслава Вазы, пісар скарбовы прыходавы ВКЛ у 1627—1640, кусташ віленскі і пробашч трабскі з 1632, пробашч гарадзенскі адз 1633. У 1634 заснаваў у вёсцы Свіслач (цяпер Літвінкі) каля Гародні драўляны касцёл езуітаў. Рэгент вялікай канцылярыі ВКЛ у 1641—1649. Пробашч троцкі, геранёнскі і віленскі з 1643. Біскуп смаленскі з 14 лютага 1650, уцёк са Смаленска перад надыходам расійскіх войскаў.

Літаратура

• Пазднякоў В. Ісайкоўскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 679. — 688 с. — ISBN 985-11-0314-4 (т. 1), ISBN 985-11-0315-2.