Хадльгрымюр П’етурсан

Хадльгрымюр П'етурсан
ісл.: Hallgrímur Pétursson
Асабістыя звесткі
Дата нараджэння	1614[…]
Месца нараджэння	Gröf á Höfðaströnd[d], Ісландыя
Дата смерці	27 кастрычніка 1674(1674-10-27)
Месца смерці	Ісландыя
Пахаванне	Hvalfjarðarsveit[d]
Грамадзянства	Ісландыя[…]
Жонка	Guðríður Símonardóttir[d]
Прафесійная дзейнасць
Род дзейнасці	паэт
Мова твораў	ісландская
Медыяфайлы на Вікісховішчы

Ха́дльгрымюр П’е́турсан (ісл.: Hallgrímur Pétursson; 1614^[…], Gröf á Höfðaströnd^[d] — 27 кастрычніка 1674(1674-10-27), Ісландыя) — ісландскі паэт і лютэранскі прапаведнік.

Біяграфія

Вырас у Хоўлары, духоўным цэнтры Ісландыі таго часу. Яго бацька быў пляменнікам Гудбрандура Торлаксана.

Адпраўлены працягваць адукацыю ў горад Глюкштат, у Шлезвіг-Гальштэйне, які ў XVII ст. належаў да Дацкай дзяржавы. Тут ён выпадкова пазнаёміўся з будучым ісландскім біскупам Скалхольта Брыньёльфурам Свэйнсанам. Апошні, праходзячы па вуліцы, пачуў праклёны на ісландскай мове ад стомленага цяжкай працай каваля П’етурсана, вырашыў пазнаёміцца з суайчыннікам, а пасля дапамог новаму сябру трапіць на навучанне ў школу святароў у Капенгагене. У 1636 годзе П’етурсан атрымаў заданне дапамагчы ў аднаўленні мовы і рэлігійных ведаў ісландцаў пасля нападу турэцкіх піратаў на Ісландыю ў 1627 годзе. На гэтых занятках паэт пазнаёміўся са сваёй будучай жонкай Гудрыдур Сіманардотыр, удавой, старэйшай за яго на 16 гадоў.

Вядомы і паважаны прапаведнік, П’етурсан — аўтар знакамітых «Псалмоў пакут» — выдаванага твора ісландскай літаратуры, які вытрымаў 60 выданняў (першае ў 1659 годзе). Акрамя псалмоў пісаў таксама лірычныя вершы і рэлігійныя гімны. Памёр ад праказы.

У гонар паэта названая цэнтральная лютэранская царква Рэйк’явіка — Хальгрымскірк’я.

Спасылкі

• На Вікісховішчы ёсць медыяфайлы па тэме Хадльгрымюр П’етурсан