Харавыя водарасці

З пляцоўкі Вікіпедыя
Jump to navigation Jump to search
Харавыя водарасці
Nitellopsis obtusa.jpeg
Ніцэлопсіс двухдомны (Nitellopsis obtusa)
Навуковая класіфікацыя
Міжнародная навуковая назва

Charophyta T.Cavalier-Smith in R.A.Lewin, 1993

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  9417
EOL  2491401
FW  55110

Ха́равыя водарасці, харафіты, лучыцы (Charophyta) — аддзел ніжэйшых раслін.

Батанічнае апісанне[правіць | правіць зыходнік]

Шматклетачныя кусцістыя водарасці знешне падобныя да некаторых вышэйшых раслін (рагаліснік, хвошч). Слаявіна вышынёй 20—30 см, часам да 1—2 м, прымацаваная да субстрату рызоідамі. Бакавыя галіны размешчаны кальчакамі на шматклетачных вузлах. Міжвузеллі з адной доўгай клеткі, якая можа абрастаць карой з вузкіх клетак. Абалонкі клетак часам абвапнаваныя. Хларапласты зялёныя, маюць хларафілы a і b, караціноіды, запасное рэчыва — крухмал. Размнажэнне вегетатыўнае і палавое (аагамія).

Пашырэнне[правіць | правіць зыходнік]

Выдзяляюць 1 клас, 1 парадак, 2 сямействы (нітэлавыя і харавыя), 6 родаў, каля 300 відаў. Пашыраны ўсюды. Паходзяць, магчыма, ад зялёных водарасцей. Вядомы з сілуру. Утвараюць вялікія зараснікі на заіленых і пясчаных грунтах у прэсных вадаёмах і апрэсненых участках мораў. На Беларусі 15 відаў з родаў нітэла (Nitella), нітэлопсіс (Nitelopsis) і хара (Chara).

Значэнне і выкарыстанне[правіць | правіць зыходнік]

Выкарыстоўваюцца як угнаенне. Гіганцкія клеткі міжвузелляў — аб’ект цыталагічных і фізіялагічных даследаванняў (напрыклад, біяпатэнцыялаў раслін).

Літаратура[правіць | правіць зыходнік]