Хара ломкая

З пляцоўкі Вікіпедыя
Jump to navigation Jump to search
Хара ломкая
CharaGlobularis.jpg
Навуковая класіфікацыя
Міжнародная навуковая назва

Chara globularis J.L.Thuiller 1799

Commons-logo.svg
Выявы
на Вікісховішчы
ITIS  9449
NCBI  69338
EOL  921729
IPNI  ???
TPL  ???

Хара ломкая (Chara globularis) — від харавых водарасцей.

Апісанне[правіць | правіць зыходнік]

Расліна кусцістая ад асновы, вышынёй 15-25 см, часам да 60 см і больш, зялёная ці буравата-зялёная з наборам пігментаў, як у вышэйшых раслін, інкруставаная вапнай і тады вельмі ломкая або неінкруставаная. Сцяблы сярэдняй таўшчыні, 300—800 мкм у дыяметры, даволі прамыя. Міжвузеллі звычайна больш ці менш роўныя па даўжыні лісцям або пераўзыходзяць іх у 2 і больш разоў. Кара правільна трохполасная. Шыпы ў крайняй ступені рэдукаваныя, слаба заўважныя. Прыліснікі ў двухрадным вяночку, па 2 пары на кожны ліст, звычайна рудыментарныя. Кальчакі з 6-9 лістоў, умерана распрасцёртыя, больш ці менш роўныя. Лісты 1-1,5 см, радзей да 3 см, паступова патанчаюцца, прамыя або некалькі загнутыя ў бок сцябла, з 6-9 членікаў з карой і 1-2-клетачнага голага канцавога членіка, верхавінкавая клетка кароткая, конусападобная. Лісточкі па 7 вакол ліставых вузлоў.

Аагоніі яйцападобныя ці эліпсоідныя, даўжынёй 800—1050 мкм (без каронкі) і шырынёй 495—700 мкм; спіральныя клеткі ўтвараюць 14-17 звіваў; каронка вышынёй 130—320 мкм і шырынёй 200—375 мкм, прамая, злёгку сыходзіцца або разыходзіцца, з акруглена-конусападобнымі ці прамавугольнымі са скошанай верхавінкай клеткамі. Ааспоры эліпсоідныя, злёгку звужаюцца данізу, даўжынёй 500—720 мкм і шырынёй 345—450 мкм, чорныя, з 12-15 выразнымі рэбрамі. Антэрыдыі 300—500 мкм у дыяметры.

Пашырэнне[правіць | правіць зыходнік]

Спарадычна сустракаеецца ў розных частках свету, у прэснаводных, пераважна стаячых невялікіх вадаёмах — сажалках, канавах, азёрах і інш., часам пры рэзка кантрасных тэмпературных умовах: у ледзяной вадзе на поўначы Нарвегіі і ў гарачых крыніцах Ісландыі і Елаўстонскага парка (ЗША). На Беларусі адзначаны ў азёрах Чарнова, Нарач, Мястра. Утварае зараснікі.

Асаблівасці біялогіі[правіць | правіць зыходнік]

Аднадомная расліна. Органы палавога размнажэння, мужчынскія і жаночыя, утвараюцца на адной расліне на 3-4 ніжніх ліставых вузлах. Укараняецца з дапамогай шматлікіх тонкіх бясколерных рызоідаў. Вегетатыўнае размнажэнне — укараненнем бакавых парасткаў слаявіны (талома) з іх наступным адчляненнем ад мацярынскай расліны.

Ахова[правіць | правіць зыходнік]

Від уключаны ў Чырвоную кнігу Беларусі, у Чырвоны спіс раслін, якія ахоўваюцца ў Польшчы.

Спасылкі[правіць | правіць зыходнік]

Венерын чаравічак Гэты від занесены ў Чырвоную кнігу Беларусі і ахоўваецца законам.
III катэгорыя (VU)