Хвойнік

Хвойнік
Эфедра хвашчовая (Ephedra equisetina)
Навуковая класіфікацыя
Дамен:  Эўкарыёты Царства:  Расліны Аддзел:  Гнетавыя (Gnetophyta) Клас:  Гнетавыя Парадак:  Ephedrales Сямейства:  Ephedraceae Род:  Хвойнік
Міжнародная навуковая назва
Ephedra L., Sp. Pl. 2: 1040 (1753).
Сістэматыка на Віківідах Выявы на Вікісховішчы ITIS   183496 NCBI   3387 EOL   108390 IPNI   17270-1 FW   251997

Эфе́дра, хвойнік (Ephedra) — род голанасенных раслін манатыпнага сямейства Эфедравыя (Ephedraceae).

Апісанне

Вечназялёныя галінастыя прамастойныя ці ліянападобныя кусты вышынёй да 8 м з членістымі прутападобнымі парасткамі і галінкамі, радзей невялікія дрэвы. Маладыя галіны прутападобныя, зялё­ныя, фотасінтэзуючыя. Лісце супраціўнае або ў кальчаках, рэдукаванае ў лускі, рана ападае. Стробілы раздзельнаполыя (амаль заўсёды рас­ліны аднадомныя), сабраныя па 3—4 у пазухах сцябловага лісця. Муж­чынскія (мік­растро­білы) складаюцца з восі і не­калькіх пар крыючых лісцеў, у па­зу­хах якіх размешчаны пыль­нікі (мік­расінан­гіі) на карот­кіх нож­ках. Жаночыя (ме­га­ст­ро­білы) складаюцца з аднаго се­мя­за­чат­ка, акружанага мя­сістым по­крывам, які пасля апладнення раз­рас­та­ецца і робіцца сакавітым. Плод — несапраўдная ягада аранжавага, чырвонага або жоўтага колеру.

Пашырэнне

Налічваецца каля 40 відаў, пашыраных у пустынных, паўпустынных, стэпавых раёнах і рэдкалессях Еўразіі (у т.л. Паўднёвая Еўропа і Міжземнамор'е, Каўказ, Цэнтральная і Паўднёвая Азія, Паўднёвая Сібір, Далёкі Усход), Амерыкі і Паўночнай Афрыкі. Растуць на ка­мяністых і стэпавы схілах, пяс­ках, у ка­мяністых стэпях. На тэрыторыі Беларусі інтрадукаваны від эфедра хвашчовая (Ephedra equisetina).

Выкарыстанне

Шэраг відаў утрымліваюць алкалоіды, якія ыкарыстоўваюцца ў медыцыне. З асобных відаў эфедры атрымліваюць эфедрын.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 189. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).

Спасылкі

• Хвойник: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Хвойник // Справочник растений Архівавана 5 сакавіка 2016. (руск.)
• Хвойник. Ядовитое растение // BioFile.ru Архівавана 5 сакавіка 2016. (руск.)
• На Вікісховішчы ёсць медыяфайлы па тэме Хвойнік