Хелен (ураган)
| Хелен | |
|---|---|
| англ.: Hurricane Helene фр.: Ouragan Hélène[1] грэч. Τυφώνας Χέλεν[2] | |
 | |
| Знаходзіцца ў межах геаграфічнага аб’екта | Карыбскае мора, Мексіканскі заліў і ЗША |
| Дата пачатку | 24 верасня 2024 |
| Дата заканчэння | 27 верасня 2024[3] |
| Lowest atmospheric pressure | 938 hectopascal[4] |
| Maximum sustained winds | 63 метр у секунду[4] і 62 метр у секунду[4] |
 | |
 Медыяфайлы на Вікісховішчы | |
Хелен (англ.: Helene) — магутны трапічны цыклон, які ўтварыўся ў Атлантычным акіяне ў канцы верасня 2024 года і закрануў паўднёвы ўсход ЗША.
Трапічны цыклон утварыўся над Карыбскім морам 24 верасня, затым ён рухаўся на поўнач.
Хуткасць ветру ў некалькіх штатах ЗША дасягала 209—251 км/г. На паўднёвым усходзе больш за 4 млн чалавек засталіся без электраэнергіі, у тым ліку больш за 1 млн у Фларыдзе. Сярод ахвяр стыхіі таксама ёсць жыхары Джорджыі, Паўночнай і Паўднёвай Караліны. У гэтых рэгіёнах і ў штаце Тэнэсі ўтварыліся зоны падтаплення, разбурана вялікая колькасць дамоў, павалены дрэвы. Нацыянальная акіянічная служба ЗША зафіксавала павышэнне ўзроўню вады і паводкі ў Фларыдзе, якія ўтварыліся пасля працяглых дажджоў. Многія людзі ў затопленых зонах былі заблакіраваны ў сваіх дамах да прыбыцця ратавальнікаў.
27 верасня ўраган аслабеў да ўзроўню трапічнага шторму. Паколькі стыхія працягвае свой рух на поўнач ЗША, улады папярэджваюць жыхароў аб рызыках для жыцця і раяць ім праяўляць асцярожнасць, асабліва ў пацярпелых ад непагадзі раёнах[5].
Крыніцы
[правіць | правіць зыходнік]- ↑ https://www.francetvinfo.fr/meteo/cyclone-ouragan/etats-unis-l-ouragan-helene-touche-la-floride_6805192.html
- ↑ https://www.ertnews.gr/roi-idiseon/ipa-toulaxiston-3-nekroi-apo-to-perasma-tou-tyrfona-xelen-i-katastasi-paramenei-poly-epikindyni-molonoti-eksasthenise/
- ↑ https://www.nhc.noaa.gov/archive/2024/al09/al092024.public.018.shtml?
- ↑ а б в https://www.nhc.noaa.gov/archive/2024/al09/al092024.update.09270318.shtml?
- ↑ zviazda.by