Хлебапякарная прамысловасць Беларусі

Хлебапякарная прамысловасць Беларусі — падгаліна харчовай прамысловасці, якая ўключае больш за 160 прадпрыемстваў, раўнамерна размеркаваных па тэрыторыі краіны; найбольш у Мінску (6 хлебазаводаў і «Аўтамат») і абласных цэнтрах. Прадпрыемствы аб’яднаны ў вытворчыя аб’яднанні Мінскхлебпрам, 6 абласных і Барысаўлебпрам.

Вытворчасць прадукцыі хлебапякарнай прамысловасці Беларусі

від \ год	1990	1995	1998	1999	2000	2001	2002	2003
Хлеб і хлебабулачныя вырабы, тыс. т.	1583	1037	949	967	866	769	707	689,1
Кандытарскія вырабы, тыс. т.	173,4	72,6	142,2	150,2	149	139,8	136,3	132,8

Вырабляецца больш за 200 найменняў хлеба (жытняга, пшанічнага, жытне-пшанічнага, палепшанага, фармавога, подавага), батоны, сушкі, сухары, абаранкі, караваі, кандытарская вырабы і іншы. Сучасны кірунак развіцця галіны — выпуск дыетычнай і лекава-прафілактычнай прадукцыі (бессалявы, бялковы, бездражжавы, вітамінізаваны, вотруб’евы і іншы хлеб).

З развіццём сецевых супермаркетаў пачала распаўсюжвацца практыка хлебапякарні пры крамах.

Літаратура

• Беларуская энцыклапедыя: У 18 т., Т. 18. Кн.2: Рэспубліка Беларусь / Рэд кал.: Г. П. Пашкоў і інш.. — Мн.: БелЭн, 2004. — С. 336. — 760 с. — 10 000 экз. — ISBN 985-11-0295-4.