Хорціца

З Вікіпедыі, свабоднай энцыклапедыі
Від на востраў са спадарожніка

Хорціца — найбуйнейшы востраў на Дняпры, размешчаны ў межах горада Запарожжа ніжэй за дняпроўскія парогі (цяпер у Днепрагэсе). Нацыянальны гісторыка-культурны запаведнік Украіны.

У 2007 годзе Хорціца была названая адным з «Сямі цудаў Украіны».

Востраў выцягнуты з паўночнага захаду на паўднёвы ўсход, даўжыня — 12,5 км, шырыня — у сярэднім 2,5 км.

Упершыню Хорціца згадваецца пад назвай вострава Святога Рыгора ў трактаце «Аб кіраванні імперыяй» візантыйскага імператара Канстанціна VII Парфірароднага (складзены ў 946—953).