Хуан Суньіга

Хуан Суньіга
Агульная інфармацыя
Поўнае імя	Хуан Каміла Суньіга Маскера
Нарадзіўся	14 снежня 1985(1985-12-14) (37 гадоў) Чыгарода[d], падрэгіён Ураба[d], дэпартамент Ант’ёкія[d], Калумбія
Грамадзянства	Калумбія
Рост	172 см
Вага	72 кг
Пазіцыя	левы абаронца, левы паўабаронца
Інфармацыя пра клуб
Клуб	завяршыў кар’еру
Маладзёжныя клубы
Атлетыка Насьяналь
Клубная кар’ера
2002—2008 Атлетыка Насьяналь 123 (9) 2008—2009 Сіена 28 (0) 2009—2018 Напалі 125 (4) 2016 →  Балоння 9 (0) 2016—2017 →  Уотфард 21 (1) 2018 Атлетыка Насьяналь 4 (0)
Нацыянальная зборная
2005 Калумбія (да 20) 4 (0) 2005—2015 Калумбія 62 (1)
Медыяфайлы на Вікісховішчы

Хуан Каміла Суньіга Маскера (ісп.: Juan Camilo Zúñiga Mosquera; нар. 14 снежня 1985, Чыгарода, Калумбія) — былы калумбійскі футбаліст, паўабаронца. Ігрок нацыянальнай зборнай Калумбіі (2005—2015).

Кар’ера

Клубная

Выхаванец футбольнай школы клуба «Атлетыка Насьяналь». Дарослую футбольную кар’еру пачаў у 2002 годзе ў асноўнай камандзе таго ж клуба, у якім правёў шэсць з паловай сезонаў, прыняўшы ўдзел у 123 матчах чэмпіянату. Большасць часу, праведзенага ў складзе «Атлетыка Насьяналь», быў асноўным іграком каманды і дапамог клубу за гэты час тройчы выйграць чэмпіянат Калумбіі.

На працягу сезону 2008/09 абараняў колеры італьянскай «Сіены». Да складу клуба «Напалі» далучыўся 26 чэрвеня 2009 года.

У студзені 2016 года на правах арэнды стаў іграком «Балонні». У ліпені 2016 года на правах арэнды стаў іграком «Уотфард». Па заканчэнні сезону 2016/17 вярнуўся ў «Напалі», аднак у сезоне 2017/18 заставаўся па-за складам каманды.

У студзені 2018 года ў якасці свабоднага агента вярнуўся ў «Атлетыка Насьяналь». У ліпені 2018 года абвясціў аб завяршэнні кар’еры.

Міжнародная

9 сакавіка 2005 года дэбютаваў у афіцыйных матчах у складзе зборнай Калумбіі ў таварыскай гульні супраць зборнай ЗША. Цікава, што другі матч за зборную для Хуана, які адбыўся больш чым праз два гады, таксама быў супраць зборнай ЗША. Але на гэты раз паўднёваамерыканцы мінімальна перамаглі.

Дасягненні

«Атлетыка Насьяналь»:

• Чэмпіён Калумбіі: 2005 (А), 2007 (А), 2007 (Ф)

«Напалі»:

• Уладальнік Кубка Італіі: 2012