Хэрмод
| Хэрмод | |
|---|---|
 | |
| Пол | мужчынскі пол |
| Бацька | Одзін[1][2] |
| Браты і сёстры | Бальдр[2], Höðr[d], Брагі, Тор, Meili[d], Vidar[d] і Váli[d] |
 Медыяфайлы на Вікісховішчы | |
Хэрмод (стар.-сканд.: Hermóðr, «Храбры») — персанаж скандынаўскай міфалогіі, адзін з асаў, пасланнік Одзіна, бог хуткасці. Фігуруе ў «Малодшай эдзе» Сноры Стурлусана. Сімвалізуе сабой мудрасць.
У гонар Хэрмода названы разоры на Плутоне (назва зацверджана МАС 25 верасня 2019 года).
Пасля Бальдр быў забіты, Одзін вырашыў вярнуць яго ў Асгард з царства мёртвых Хэльхэйм. Для гэтага ён даў Хэрмоду свайго каня Слейпніра і загадаў адправіцца да ўладаркі мёртвых Хэль і прапанаваць ёй выкуп за Бальдра. Хэль пагадзілася адпусціць яго, калі ўвесь свет, усе рэчы і істоты ў ім будуць аплакваць Бальдра, а таксама дазволіла Хэрмоду вярнуць у Асгард цудоўны пярсцёнак Одзіна, які той у парыве адчаю надзеў на палец мёртвага сына. Аднак умяшаўся Локі, ператварыўшыся ў волатку, якая адмовілася аплакваць Бальдра. І Бальдр застаўся ў свеце мёртвых. Перад ад’ездам Хэрмода Бальдр перадаў праз яго Одзіну пярсцёнак Драўпнір, які быў пахаваны разам з ім.
Аднойчы Хэрмод ледзь не загінуў па дарозе ў Мідгард, зямлю людзей. Занепакоены прадказаннямі пра сваю будучыню, Одзін паслаў яго ў далёкія краі да Фінскага мудраца Расцьёфу за парадай. З дапамогай чараўніцтва Хэрмод быў выратаваны і паспяшаўся вярнуцца ў Асгард, каб супакоіць бацьку. У грэцкай міфалогіі яму ў некаторай ступені адпавядае Веснік багоў Гермес, таксама які з’яўляецца богам хуткасці.
У пазнейшых міфах ёсць згадка пра тое, што бог Хэрмод валодаў нейкім магічным артэфактам, булавой, што звалася Гамбанцін, аднак уласцівасці гэтай зброі невядомыя. Таксама ў «Песні пра Хюндле» са «Старэйшай Эды» сказана, што Усёайцец уручыў Хэрмоду «шалом і моцную браню». Пазней гэты міфалагічны вобраз неаднаразова з’яўляўся ў творах англійскіх паэтаў (у якасці прыкладу можна прывесці вершы Оўэна Мэрэдыта і паэму «Смерць Бальдра» Мэцью Арнол.
Крыніцы
[правіць | правіць зыходнік]- ↑ группа авторов, Абрамович-Барановский С. С., Агафонов В. К. и др. Энциклопедический словарь / под ред. И. Е. Андреевский, К. К. Арсеньев, Ф. Ф. Петрушевский — СПб.: Брокгауз — Ефрон, 1890.
- 1 2 Cassell's Dictionary of Norse Myth & Legend — Cassell & Co, 2002. — С. 191. — 494 с. — ISBN 0-304-36385-5
Літаратура
[правіць | правіць зыходнік]- Эда. Песні пра багоў Архівавана 22 кастрычніка 2022. / уклад., пер. са старажытнаісл., камент. Яўгена Папакуля. — Мінск : Галіяфы, 2021.
- Эда. Песні пра герояў(недаступная спасылка) / уклад., пер. са старажытнаісл., камент. Яўгена Папакуля. — Мінск : Тэхналогія, 2022.
- Эда Сноры Стурлусана Архівавана 3 кастрычніка 2021. / уклад., пер. са старажытнаісл., камент. Яўгена Папакуля. — Мінск : Галіяфы, 2021.
- Эда. Забытыя песні Архівавана 24 сакавіка 2025. / уклад., пер. са старажытнаісл., камент. Яўгена Папакуля. — Мінск : Тэхналогія, 2023.
- Гермод // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
Слоўнікі і энцыклапедыі |
|---|
