Хэ Чжэньлян

Хэ Чжэньлян
Нараджэнне	29 снежня 1929(1929-12-29) Усі, Цзянсу, Кітайская рэспубліка
Смерць	4 студзеня 2015(2015-01-04) (85 гадоў) Пекін, Кітай
Партыя	КПК
Член у	Міжнародны алімпійскі камітэт
Адукацыя	Aurora University[d]
Дзейнасць	палітык, sportsperson
Узнагароды	Алімпійскі ордэн

Хэ Чжэньлян (кіт. трад. 何振梁, піньінь Hé Zhènliáng; 29 снежня 1929 — 4 студзеня 2015) — кітайскі спартыўны дзеяч, ганаровы старшыня Алімпійскага камітэта Кітая, ганаровы старшыня камісіі па культуры і алімпійскай адукацыі МАК.

Біяграфія

Нарадзіўся 29 снежня 1929 года ў павеце Усі правінцыі Цзянсу Кітайскай рэспублікі; яго сям’я паходзіла з правінцыі Чжэцзян.

У 1950 годзе атрымаў ступень бакалаўра на факультэце электратэхнікі ва Універсітэце Аўрора ў Шанхаі.

У 1953 годзе ажаніўся з Лян Ліцзюань. Пасля ў іх нарадзіліся сын Хэ Ян і дачка Хэ Чжэнь.

У 1954 годзе ўступіў у Камуністычную партыю.

У 1964 годзе стаў намеснікам генеральнага сакратара Кітайскай асацыяцыі гімнастыкі.

У 1980 годзе атрымаў медаль Нацыянальнай спартыўнай пашаны Кітая.

У 1981 годзе быў абраны ў Міжнародны алімпійскі камітэт.

У 1982 годзе стаў генеральным сакратаром Алімпійскага камітэта Кітая, з 1986 — намеснікам старшыні, і з 1989 па 1994-старшынёй. Пасля гэтага — ганаровым старшынёй.

У 1985 годзе быў прызначаны намеснікам дырэктара Дзяржаўнай камісіі па спорце, а таксама абраны ў выканкам МАК.

З 1989 па 1993 год — віцэ-прэзідэнт Міжнароднага алімпійскага камітэта.

З 1995 па 1999 год — старшыня камісіі па культуры МАК, затым па 2009 год — старшыня ўжо аб’яднанай камісіі па культуры і алімпійскай адукацыі, з 2009 — яе ж ганаровы старшыня.

Узнагароды

• Вялікі крыж Ордэна грамадзянскіх заслуг (Іспанія, 1992)
• Камандор ордэна Святога Карла (Манака, 1993)
• Алімпійскі ордэн (2009)