Хянрыкас Ванцавічус

Хянрыкас Ванцавічус
Henrikas Vancevičius
Дата нараджэння	2 студзеня 1924(1924-01-02)
Месца нараджэння	Коўна, Літва
Дата смерці	12 жніўня 2014(2014-08-12) (90 гадоў)
Месца смерці	Вільня, Віленскае гарадское самакіраванне, Літва
Месца пахавання	Антокальскія могілкі
Грамадзянства	Літва→ СССР → Літва
Жонка	Aldona Kupstaitė-Vancevičienė[d]
Адукацыя	Расійскі інстытут тэатральнага мастацтва[d]
Прафесія	акцёр, тэатральны рэжысёр, рэжысёр оперы, тэатральны педагог
Тэатр	Літоўская акадэмія музыкі і тэатра
Узнагароды	Камандор Вялікага князя Літоўскага Гядзімінаса
IMDb	ID 6701315

Хя́нрыкас Пра́на Ванца́вічус (літ.: Henrikas Vancevičius; 2 студзеня 1924(1924-01-02), Коўна — 12 жніўня 2014(2014-08-12), Вільня) — савецкі літоўскі акцёр, тэатральны рэжысёр, педагог. Народны артыст СССР (1978).

Біяграфія

Нарадзіўся 2 студзеня 1924 года ў Коўне (Літоўская Рэспубліка). У 1943 годзе скончыў Ковенскую гімназію «Світанак».

У 1943—1947 гадах — акцёр Ковенскага тэатра юнага гледача, у 1947—1948 гадах — акцёр Каўнаскага драматычнага тэатра. У 1948 годзе скончыў акцёрскую студыю пры тэатры.

Ў 1953 годзе скончыў рэжысёрскі факультэт Дзяржаўнага інстытута тэатральнага мастацтва імя А. В. Луначарскага ў Маскве. У 1953—1966 гадах — галоўны рэжысёр Ковенскага драматычнага тэатра.

З 1966 года жыў у Вільні. У 1966—1989 гадах — галоўны рэжысёр Літоўскага дзяржаўнага акадэмічнага тэатра драмы. З 1969 года ставіў спектаклі ў іншых тэатрах Літвы, у тым ліку ў Літоўскім нацыянальным тэатры оперы і балета.

Вёў педагагічную працу ў Літоўскай кансерваторыі ў Вільні, з 1985 года — дацэнт.

Памёр 12 жніўня 2014 года ў Вільні. Пахаваны ў Вільні на Антакальніскіх могілках.

Творчасць

Сярод пастановак: «Геркус Мантас» (1957) і «Цырк» (1976) Ю. Грушаса, «Міндаўгас» (1969), «Сабор» (1971) і «Мажвідас» (1978; і выканаў ролю Мілкуса) Ю. Марцінкявічуса, «Антоній і Клеапатра» (1968) і «Віндзорскія свавольніцы» (1977) У. Шэкспіра, «На ўсякага мудраца хапае прастаты» А. Астроўскага (1984), «Дачнікі» М. Горкага (1986).

Літаратура

• Ванцэвічус Генрыкас. Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).