Хісікава Маранобу

Хісікава Маранобу
яп.: 菱川師宣
Дата нараджэння	1618[…]
Месца нараджэння	Хота[d], Японія
Дата смерці	25 ліпеня 1694(1694-07-25)
Месца смерці	Эда, павет Тосіма[d], правінцыя Мусасі[d], Такайдо[d], Японія
Грамадзянства	Японія
Дзеці	Хісікава Марофуса[d]
Род дзейнасці	ілюстратар, мастак укіё-э
Жанр	бідзінга[d], сюнга, мейсо-э[d], жанравы жывапіс, кніжная графіка, нікухіцу-га[d], укіё-э і сумідзуры-э[d]
Мастацкі кірунак	школа Хісікава[d]
Уплыў на	Фуруяма Маромаса[d], Хісікава Марофуса[d], Хісікава Маронага[d], Хісікава Мараёсі[d], Фуруяма Маросігэ[d], Хісікава Тамофуса[d], Хісікава Марохіра[d] і Хісікава Марохідэ[d]
Медыяфайлы на Вікісховішчы

Хісікава Маранобу (1618 — 25 ліпеня 1694) — японскі мастак і гравёр, адзін з найбуйнейшых прадстаўнікоў стылю укіё-э, пачынаючы з 70-х гадоў XVII стагоддзя.

Жыццё і творчасць

Нарадзіўся ў заможнай сям’і майстра па афарбоўцы тканін і вышыўцы залатымі і сярэбранымі ніткамі, у мястэчку Кёнан правінцыі Ава, каля Такійскага заліва. Маранобу займаўся сямейным рамяством, пакуль у 1657 годзе не згарэла майстэрня бацькі. Доўгая практыка па дэкаратыўным упрыгожванні тканін, якой ён займаўся ў майстэрні бацькі, адбілася ў далейшым на стылі яго гравюр: жанчыны ў гэтых творах апрануты ў прыгожа дэкараваныя адзенні, што надавала гравюрам дадатковы мастацкі эфект.

У 1660-х гадах ён перабраўся ў Эда, дзе самастойна вывучаў традыцыйныя стылі малявання ў манеры школ Тоса і Кано. Галоўным настаўнікам Маранобу, які даў яму ўменне валодаць дэкаратыўным і акадэмічным стылем традыцыйнага японскага жывапісу, быў Майстар Камбун, які працаваў у перыяд з 1660 па 1673 год. Спачатку Маранобу займаецца выключна ілюстраваннем кніг, пасля яго ілюстрацыі-гравюры разглядаюцца ўжо як самастойныя творы мастацтва. Маранобу не з’яўляецца заснавальнікам жанру укіё-э, але гэта быў першы майстар укіё-э, пра якога захаваліся біяграфічныя звесткі.

Першыя вядомыя працы Маранобу, падпісаныя яго імем, адносяцца да 1672 года; больш раннія яго творы не захаваліся. У 1670-я гады ён становіцца найбуйным майстрам укіё-э, і заставаўся ім да сваёй смерці. Яго лічаць заснавальнікам школы Хісікава або Эда, мастаком, уплыў якога на жывапіс працягваўся да канца XIX стагоддзя.

Захавалася каля 150 альбомаў, створаных рукой Маранобу, у якіх ён выкарыстоўвае традыцыйную манахромную тэхніку гравюры.