Хітрыдыяміцэты

Хітрыдыяміцэты
Cladochytrium menyanthis на лісце
Навуковая класіфікацыя
Дамен:  Эўкарыёты Царства:  Грыбы Аддзел:  Хітрыдыевыя грыбы Клас:  Хітрыдыяміцэты
Міжнародная навуковая назва
Chytridiomycetes Caval.-Sm (1998)
Сістэматыка на Віківідах Выявы на Вікісховішчы ITIS   936317 NCBI   451435 EOL   5768 MB   90072 FW   212609

Хітрыдыяміцэ́ты (Chytridiomycetes) — клас сапраўдных грыбоў.

Апісанне

Пераважна аднаклетачныя і мікраскапічныя формы. Падзяляюцца на 4 парадкі, 90 родаў, больш за 500 відаў. Пашыраны ўсюды. На Беларусі каля 20 відаў, у большасці з парадку хітрыдыяльных. Трапляюцца як сапратрофы ў вадзе, вільготным наземным асяроддзі, паразітуюць на грыбах, беспазваночных жывёлах, раслінах, выклікаюць хваробы сельскагаспадарчых культур.

Вегетатыўнае цела накшталт плазмодыя або клетка са слабаразвітым бяз'ядзерным міцэліем, функцыі якога — прымацаванне да субстрату і паглынанне пажыўных рэчываў. Клетачная абалонка мае хіцін. Размнажэнне бясполае аднажгуцікавымі зааспорамі, што фарміруюцца ў зоаспарангіях, маюць разнастайную форму і будову; палавое — гаметагамія, аагамія, саматагамія.

Літаратура

• Бепьская С. Хітрыдыяміцэты // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).