Хіт Леджэр

З пляцоўкі Вікіпедыя
Jump to navigation Jump to search
Хіт Леджэр
Heath Ledger
Heath Ledger.jpg
Імя пры нараджэнні Хіткліф Эндру Леджэр
Дата нараджэння 4 красавіка 1979(1979-04-04)[1][2][…]
Месца нараджэння
Дата смерці 22 студзеня 2008(2008-01-22)[4][1][…] (28 гадоў)
Месца смерці
Месца пахавання
Грамадзянства Flag of Australia.svg Аўстралія
Дзеці Matilda Ledger[d]
Адукацыя
Прафесія тэлеакцёр, акцёр, кінарэжысёр, кінаакцёр, характарны акцёр
Кар’ера 19922008
Кірунак баявік і меладрама
Узнагароды
IMDb ID 0005132
Commons-logo.svg Хіт Леджэр на ВікіСховішчы

Хіт Леджэр (англ.: Heath Ledger; 4 красавіка 1979, Перт, Заходняя Аўстралія, Аўстралія — 22 студзеня 2008, Нью-Ёрк, штат Нью-Ёрк, ЗША) — вядомы аўстралійскі акцёр, намінаваны на «Оскара». Пасля паспяховых роляў у кіно і на тэлебачанні Аўстраліі у 1990-х гадах Леджэр у 1998 годзе пераехаў у ЗША з мэтай развіцця акцёрскай кар’еры. У Галівудзе ён зняўся ў 19 фільмах, уключаючы такія карціны як «10 прычын маёй нянавісці» (1999), «Патрыёт» (2000), «Гісторыя рыцара» (2001), «Гарбатая гара» (2005) і «Цёмны рыцар» (2008)[5]. У дадатак да акцёрскай кар’еры ён прадзюсаваў і здымаў музычныя кліпы і імкнуўся стаць рэжысёрам[6].

Біяграфія[правіць | правіць зыходнік]

Хіткліф Эндру Леджэр нарадзіўся ў горадзе Перт (Заходняя Аўстралія). Маці — Салі Леджэр Бэл, настаўніца французскай, яе продкі паходзяць з шатландскага клана Кэмпбэл; бацька — Кім Леджэр, аўтагоншчык і горны інжынер. Хіт і яго сястра Кэтрын былі названыя бацькамі ў гонар герояў рамана Эмілі Бронтэ «Навальнічны перавал». Бацькі развяліся, калі Хіту было 10 гадоў, хлопчык застаўся з маці, але працягваў падтрымліваць добрыя адносіны і з бацькам.

Падчас вучобы ў Гілфардскай граматычнай школе для хлопчыкаў, Хіткліф актыўна займаўся спортам у школьнай хакейнай камандзе, захапляўся танцамі, а акрамя таго іграў у школьнай тэатральнай студыі. У 15 гадоў ён стаў кіраўніком школьнай акцёрскай каманды, якая прымала ўдзел у спаборніцтвах і канчаткова зрабіў выбар на карысць акцёрскай прафесіі.

Смерць[правіць | правіць зыходнік]

22 студзеня 2008 года ў 15:31 Хіт Леджэр быў знойдзены мёртвым у сваёй Нью-Ёркскай кватэры на Манхэтане.

Следства не змагло ўсталяваць дакладныя прычыны смерці, таму спатрэбілася правесці дадатковую таксікалагічную экспертызу, па выніках якой была абвешчана афіцыйная прычына смерці Леджэра — вострая інтаксікацыя, выкліканая сумесным дзеяннем болеспаталяльных, снатворных і антыдэпрэсантаў (аксікадона, гідракадона, дыязепама, тэмазепама, альпразалама і даксіламіна)[7].

Акцёр пакутаваў ад дэпрэсіі, выкліканай парывам адносін з Мішэль Уільямс.

Цела акцёра было адпраўлена ў Аўстралію. 9 лютага 2008 года ён быў пахаваны на радзіме, у горадзе Перт. Развітацца з Хітам Леджэрам прыйшлі каля паўтысячы чалавек, у тым ліку і былая нявеста акцёра Мішэль Уільямс, а таксама актрыса Кейт Бланшэт.

Зноскі

  1. 1,0 1,1 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
  2. 2,0 2,1 Heath Ledger // Encyclopædia Britannica Праверана 9 кастрычніка 2017.
  3. Heath Ledger // filmportal.de — 2005. Праверана 9 кастрычніка 2017.
  4. http://www.nytimes.com/2008/01/23/movies/23ledger.html
  5. Heath Ledger – Credits , Variety . Праверана 16 кастрычніка 2009. (недаступная спасылка)
  6. Dawtrey, Adam. 'Parnassus' Team Faces Dilemma , Variety (23 January 2008). Праверана 23 студзеня 2008.
  7. Актер Хит Леджер умер от случайной передозировки лекарств — экспертиза (руск.) 

Спасылкі[правіць | правіць зыходнік]