Царква Ам-Штайнгоф

З пляцоўкі Вікіпедыя
Jump to navigation Jump to search
Славутасць
Царква Ам-Штайнгоф
Kirche am Steinhof
Penzing (Wien) - Kirche am Steinhof (7).JPG
48°12′37″ пн. ш. 16°16′42″ у. д.HGЯO
Краіна Аўстрыя
Месцазнаходжанне
Канфесія Каталіцтва
Епархія Архіепархія Вены
Архітэктурны стыль Мадэрн
Аўтар праекта Ота Вагнер
Архітэктар Ота Вагнер
Будаўніцтва 19031907 гады
Стан Дзейнічае, доступ абмежаваны

Царква Ам-Штайнгоф (Аўстрыя)
Царква Ам-Штайнгоф
Царква Ам-Штайнгоф

Царква Ам-Штайнгоф (ням.: Kirche am Steinhof — літар. «Ля Штайнгофа», таксама царква Святога Леапольда (ням.: Kirche zum heiligen Leopold)) — царква, пабудаваная па праекце Ота Вагнера на ўзгорку Штайнгоф некалі ў прыгарадзе Вены, а цяпер у венскім раёне Пенцынг на тэрыторыі венскай псіхіятрычнай бальніцы. Помнік мадэрну. Мастацкае афармленне выканана Каламанам Мозэрам (вітражы і мазаікі), Рыхардам Лукшам і Отмарам Шымкавіцам (скульптура). Прысвечана заступніку Аўстрыі — св. Леапольду (вежы пры ўваходзе ўпрыгожваюць статуі св. Леапольда і св. Севярына).

Царква пабудавана на вяршыні пагорка, на вышыні 310 метраў над узроўнем мора, пры гэтым у парушэнне канону арыентавана па восі поўнач-поўдзень. Яна разлічана на 800 чалавек. Інтэр'еры зроблены з улікам таго, што прыхаджане — псіхічна хворыя: усе куты ўнутры царквы закруглены, алтар фізічна аддзелены ад галоўнай залы. Доступ у храм — асобна для мужчын і жанчын, пры гэтым прадугледжаны асаблівыя службовыя выхады для эвакуацыі хворых; спавядальні, у адрозненне ад звычайных цэркваў, адносна адкрытыя. Нават лавы для вернікаў былі першапачаткова спраектаваны асобна для розных катэгорый хворых. Столь пад галоўным купалам упрыгожаны знакамі чатырох евангелістаў, вітражы — вобразамі святых, над алтаром намалявана ўзыходжанне душы на неба.

Царква зноў адкрыта пасля рэстаўрацыі ў кастрычніку 2006 года. Платны доступ (экскурсіі) наведвальнікаў дазволены па суботах; службы, закрытыя для пабочных асобаў, праводзяцца па нядзелях.

Зноскі

  1. archINFORM — 1994. Праверана 31 ліпеня 2018.

Спасылкі[правіць | правіць зыходнік]