Царква Оўра

Царква Оўра
	Каталіцкі храм
Царква Оўра
	大浦天主堂
	; Царква 26 японскіх мучанікаў
	32°44′03″ пн. ш. 129°52′13″ у. д.HGЯO
Краіна	Японія
Горад	Нагасакі
Канфесія	Каталіцтва
Епархія	Roman Catholic Archdiocese of Nagasaki[d]
Тып будынка	базіліка
Архітэктурны стыль	неаготыка і барока
Архітэктар	Louis-Theodore Furet[d]
Дата заснавання	1864
Сайт	nagasaki-oura-church.jp (яп.)
	Медыяфайлы на Вікісховішчы

Царква Оўра (яп.: 大浦天主堂) — рымска-каталіцкі храм у японскім горадзе Нагасакі, таксама вядомая як царква 26 японскіх мучанікаў.

Царква Оўра з'яўляецца адным з двух збудаванняў у заходнім стылі, якія ўнесены ў спіс Нацыянальных скарбаў Японіі. У той жа час яна з'яўляецца самай старой дзеючай хрысціянскай царквой у краіне.

Гісторыя[правіць | правіць зыходнік]

Знешні выгляд і ўбранне царквы былі прапанаваны французскім святаром Луі Фурэ. Будавалася Оўра мясцовым архітэктарам па імі Каяма Хідэносін. У цэлым будаўніцтва было завершана ў снежні 1864 года. Цяперашні выгляд, які спалучае рысы гатычнага стылю і барока, храм набыў пасля рэканструкцыі ў 1879 годзе. Першапачаткова ён быў строга гатычным.

Пярэдняя частка царквы Оўра выходзіць на ўзгорак Нісідзака, дзе ў 1597 годзе былі раскрыжаваны 26 хрысціян-японцаў. Характэрнымі асаблівасцямі царквы з'яўляюцца яе драўляныя канструкцыі, вокны з каляровага шкла і насценны роспіс «Пакутніцтва 26 святых». Белая мармуровая статуя Маці Божай каля ўваходу ў храм пастаўлена ў памяць пра японскіх хрысціян, якія загінулі пры прыгнечанні паўстання ў Сімабары ў 1637—1638 гадах.

17 сакавіка 1865 года да французскага святара Бернара Пеціжана, які служыў у царкве Оўра, прыйшла група сялян з раёна Уракамі з весткай пра тое, што яны — хрысціяне, нашчадкі першых хрысціян Японіі, якія тайна захавалі сваю веру на працягу стагоддзяў нягледзячы на рэлігійныя праследаванні. У хуткім часе ў Нагасакі памкнуліся дзясяткі тысяч тайных хрысціян-японцаў. Даведаўшыся пра гэту дзіўную падзею, Папа Рымскі Пій IX назваў яго «цудам Усходу». У памяць пра гэта ў дворыку ніжэй царквы Оўра быў усталяваны бронзавы барэльеф.

Царква Оўра была прызнана нацыянальным скарбам Японіі ў 1933 годзе і зноў 31 сакавіка 1953 года паводле Закона аб абароне культурных каштоўнасцей 1951 года. Да 2009 года гэта быў адзіны будынак у еўрапейскім архітэктурным стылі ў спісе нацыянальных скарбаў. У 2009 годзе ў гэты спіс увайшоў палац Акасака (англ.) (бел., пабудаваны ў на мяжы XIX-XX стагоддзяў у стылі неабарока.