Царква Параскевы Пятніцы (Чарнаўчыцы)
| Славутасць | |
| Царква Параскевы Пятніцы | |
|---|---|
 Царква Параскевы Пятніцы ў Чарнаўчыцах | |
| 52°13′11″ пн. ш. 23°44′25″ у. д.HGЯO | |
| Краіна |
 Беларусь |
| Вёска | Чарнаўчыцы |
| Канфесія | Беларуская праваслаўная царква |
| Епархія | Брэсцкая і Кобрынская |
| Архітэктурны стыль | Заходнепалеская школа дойлідства |
| Дата пабудовы | 1733 год |
| Дата скасавання | 1986 |
| Статус | дзейнічае |
| Матэрыял | драўніна |
 |
|
 Медыяфайлы на Вікісховішчы | |
Царква Параскевы Пятніцы — праваслаўная царква ў в. Чарнаўчыцы Брэсцкага раёна Брэсцкай вобласці. Адзін з нешматлікіх захаваных да нашага часу аўтэнтычных чатырох-зрубных крыжовых храмаў, раней даволі распаўсюджаных на тэрыторыі Беларусі[1], помнік народнага дойлідства 18 стагоддзя.
Гісторыя[правіць | правіць зыходнік]
Пабудавана ў 1733 годзе з дрэва, перабудоўвалася ў 1860-я гады. Абнесена бутавай агароджай з арачнай 2-яруснай брамай-званіцай. Пацярпела ад пажару ў 1987 годзе (страчаны купал-баня, дах, іканастас 1830-х гадоў). Замест купала збудаваны высокі спічасты шацёр, які не адпавядае брутальным барочным масам самога храма[1].
Архітэктура[правіць | правіць зыходнік]
Помнік народнага дойлідства з рысамі стылю барока. Крыжовы ў плане зруб некалькі выцягнуты ўздоўж падоўжнай восі за кошт 5-граннай апсіды з бакавымі нізкімі рызніцамі і невялікага прытвора пад 2-схільным дахам. Малітоўная зала атрымала рзвіццё ў шырыню са стварэннем невялікага трансепта, адзначанага знадворку шчытамі. Сяродкрыжжа 2-схільных дахаў увянчана фігурным шмат'ярусным купалам (яго паходжанне больш позняе, бо візіта 2-й палавіны 18 ст. адзначае ў завяршэнні храма просты крыж). Вертыкальную накіраванасць будынка падкрэсліваюць таксама шалёўка, брусы-сцяжкі, вуглавыя руставаныя лапаткі, здвоеныя прамавугольныя аконныя праёмы. Фігурнай шалёўкай апрацаваны 3-вугольны франтон галоўнага фасада.
Інтэр'ер[правіць | правіць зыходнік]
У перакрытыю плоскай столлю малітоўную залу адкрываюцца хоры, размешчаныя над бабінцам. Апсіда вылучана драўляным разным іканастасам 1987 года. Абраз «Цуд Георгія аб змеі» (1729).
Зноскі
Літаратура[правіць | правіць зыходнік]
- Кулагін А. М. Праваслаўныя храмы на Беларусі : энцыклапедычны даведнік / А. М. Кулагін. — Мн.: БелЭн, 2001. — 328 с.: іл.
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
- НГАБ у г. Гродна, ф. 1, воп. 19, спр.1004, арк. 9 — 29.
Спасылкі[правіць | правіць зыходнік]
На Вікісховішчы ёсць медыяфайлы па тэме Царква Параскевы Пятніцы (Чарнаўчыцы)- http://hram.by/churches/view/183/
- Царква Параскевы Пятніцы (Чарнаўчыцы) на сайце «Архіварта»
