Царква Святога Марціна (Ландсгут)

З пляцоўкі Вікіпедыя
Jump to navigation Jump to search
Славутасць
Царква Святога Марціна
Landshut altstadt.jpg
48°32′03,1″ пн. ш. 12°09′04″ у. д.HGЯO
Краіна Flag of Germany.svg Германія
Месцазнаходжанне
Канфесія каталіцтва[2]
Епархія Roman Catholic Archdiocese of Munich and Freising[d]
Архітэктурны стыль гатычная архітэктура
Дата заснавання 1389
Вышыня 130,6 м
Матэрыял цэгла
Сайт st.martin-landshut.de
Лагатып Вікісховішча Царква Святога Марціна на Вікісховішчы

Калегіяльная царква Святога Марціна (ням.: Kollegiatstiftskirche St. Martin und Kastulus) — храм у горадзе Ландсгут, прысвечаны Марціну Турскаму.

Гісторыя[правіць | правіць зыходнік]

Будаўніцтва царквы пачалося ў 1389 годзе (паводле іншых крыніц, у 1392 годзе) на месцы невялікай царквы, а завяршылася паміж 1500 і 1507 гг.[3][4] Ва ўзвядзенні храма ўдзельнічала пяць архітэктараў, першым на працягу 26 гадоў быў Ханс фон Бурггаўзен, пазней пахаваны ў царкве. Храм узводзіўся на ахвяраванні гарадскіх жыхароў, таму ў горадзе ён мае неафіцыйную назву «Народны сабор».[5]

У 1598 годзе царква стала калегіяльнай. У 2001 годзе цэрквы Папам Рымскім быў прысвоены статус малой базілікі.

Архітэктура[правіць | правіць зыходнік]

Вежа царквы
Інтэр'ер царквы

Будынак з'яўляецца ўзорам баварскага зальнага храма і цаглянай готыкі. Вышыня — 130,6 м. Гэта самая высокая царква Баварыі, самая высокая цагляная царква ў свеце, а таксама адна з найвышэйшых пабудоў з цэглы, якая, паводле некаторых звестак, саступае толькі дымавой трубе Анаконды.

У досыць сціпла аформленым інтэр'еры прыцягвае ўвагу распяцце, адно з найбуйнейшых перыяду позняй готыкі, створанае Майклам Эрхардам у 1495 годзе.

Акрамя цэглы і вапняку пры будаўніцтве выкарыстоўваліся і іншыя матэрыялы. Вокны і парталы царквы святога Марціна выкананы са склюдаванага каменя. Алтар выраблены з пясчаніка ў 1424 годзе, кафедра — з каменя ў 1422 годзе. Высокая і стройная званіца ўвянчана шпілем з каронай. Арган з'явіўся ў царкве ў XVII стагоддзі.

Зноскі

  1. archINFORM — 1994. Праверана 31 ліпеня 2018.
  2. (unspecified title) Праверана 6 студзеня 2021.
  3. St. Martin, Landshut
  4. Basilica of Saints Martin and Castulus
  5. Цэрквы Ландсгута

Спасылкі[правіць | правіць зыходнік]