Целяханскі раён

З пляцоўкі Вікіпедыя
Jump to navigation Jump to search
Целяханскі раён
Краіна
Уваходзіць у Беларуская ССР
Адміністрацыйны цэнтр Целяханы
Дата ўтварэння 15 студзеня 1940
Дата скасавання 8 жніўня 1959
Вышыня
над узроўнем мора
161 м[1]

Целяха́нскі раён — адміністрацыйна-тэрытарыяльная адзінка БССР у 1940—1959 г. Утвораны ў складзе Пінскай вобласці, паводле Указу Прэзідыума ВС БССР ад 15 студзеня 1940 г., цэнтр — вёска Целяханы. 12 кастрычніка 1940 г. падзелены на 10 сельсаветаў: Аброўскі, Бабровіцкі, Выганашчаўскі, Гортальскі, Коланскі, Козікаўскі, Краглевіцкі, Рэчкаўскі, Святавольскі, Целяханскі.

У 1941 акупіраваны. Тэрыторыя раёна вызвалена 10 ліпеня 1944 г., у вызваленні ўдзельнічалі 48-я гвардзейская стралковая дывізія (генерал-маёр Г. М. Корчыкаў) 20-га стралковага корпуса 28-й арміі 1-га Беларускага фронту; партызанская брыгада 99-я імя Д. Т. Гуляева (камандзір В. К. Якавенка), якая 10.7.1944 злучылася з часткамі Чырвонай Арміі.

17 лістапада 1948 года скасаваны Бабровіцкі сельсавет, тэрыторыя далучана да Целяханскага сельсавета. З 8 студзеня 1954 года ў складзе Брэсцкай вобласці. 16 ліпеня 1954 года скасаваны Краглевіцкі сельсавет. 6 снежня 1956 года вёска Целяханы набыла статус гарадскога пасёлка, Целяханскі сельсавет скасаваны, тэрыторыя перададзена ў адміністрацыйнае падпарадкаванне Целяханскага гарадскога пасялковага Савета.

Раён скасаваны паводле Указу Прэзідыума ВС БССР ад 8 жніўня 1959 г. з перадачай Аброўскага, Козіцкага, Святавольскага сельсаветаў у склад Івацэвіцкага раёна; Выганашчаўскага, Гортальскага, Коланскага, Рэчкаўскага сельсаветаў і г.п. Целяханы — у склад Лагішынскага раёна.

Літаратура[правіць | правіць зыходнік]

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • БЭ. Т. 17. — Мн., 2003.
  1. GeoNames — 2005. Праверана 9 ліпеня 2017.