Цзюцюань (касмадром)

Касмічны запуск 28 верасня 2012 года.

Цзюцюань (кіт.: 酒泉卫星发射中心), таксама вядомы як «Цэнтр запуску спадарожнікаў Цзюцюань» (стартавы комплекс B2; паўночна-заходні комплексны выпрабавальны комплекс ракет; база 20) — касмадром у Кітаі. Размяшчаецца ў аўтаномным раёне Унутраная Манголія.

Створаны ў 1958 годзе Цзюцюань з’яўляецца першым касмадромам і адзінай пляцоўкай для правядзення пілатуемых касмічных палётаў у Кітаі. У 1970 годзе з касмадрома Цзюцюань быў здзейснены старт першага спадарожніка айчыннай распрацоўкі. Да 2018 года адсюль у космас былі запушчаныя 140 спадарожнікаў і 11 касмічных караблёў серыі «Шэньчжоў». У верасні 2018 тут адбыліся запускі двух ракет-носьбітаў, пабудаваных прыватнымі кампаніямі.

Гісторыя

Увосень 1957 года, Цэнтральны ваенны савет КНР, вывучыўшы «План будаўніцтва ракетных палігонаў і выпрабавальных пляцовак», прапанаваны Пятым навукова-даследчым інстытутам Міністэрства нацыянальнай абароны, прыняў рашэнне аб неадкладным будаўніцтве першага ў Кітаі комплекснага ракетнага палігона.

5 лістапада 1960 выпрабавальны палігон быў афіцыйна ўведзены ў эксплуатацыю і паспяхова запушчана першая кітайская ракета класа зямля-зямля «Дунфэн-1». 24 красавіка 1970 года з касмадрома Цзюцюань быў запушчаны першы кітайскі штучны спадарожнік зямлі - «Дунфэн Хун-1».

Храналогія касмічных запускаў

Першы запуск адбыўся 24 красавіка 1970 года, калі ракета-носьбіт «Чанчжэн-1» вывела на арбіту першы кітайскі спадарожнік «Дунфэн Хун-1».

Запуск, №	Дата (UTC)	Ракета-носьбіт	Спадарожнік	Стартавы комплекс	Вынік	Заўвагі
1	24 красавіка 1970 г. 13:35	Чанчжэн-1	Дунфэн Хун-1	LA-2A	Поспех	Першы кітайскі спадарожнік
2	3 сакавіка 1971 12:15	Чанчжэн-1	Шыцзянь-1	LA-2A	Поспех	Вымярэнне часціц касмічных прамянёў
3	18 верасня 1973	Фэнбао-1	JSSW-1	LA-2B	Няўдача
4	12 ліпеня 1974	Фэнбао-1	JSSW-2	LA-2B	Няўдача
5	5 лістапада 1974	Чанчжэн-2	FSW-0 0	LA-2B	Няўдача	Першы запуск ракета-носьбіта Чанчжэн-2
6	26 ліпеня 1975	Фэнбао-1	JSSW-3	LA-2B	Поспех
7	26 лістапада 1975	Чанчжэн-2	FSW-0 1	LA-2B	Поспех
8	16 снежня 1975	Фэнбао-1	JSSW-4	LA-2B	Поспех