Цыферблат

Гадзіннік з цыферблатам

Цыфербла́т (ням.: Zifferblatt, даслоўна — «лісток з лікамі»), таксама сустракаецца падстрэ́лак — панэль гадзінніка з лічбамі; пласціна з дзяленнямі, якія абазначаюць гадзіны, хвіліны ці іншыя адзінкі вымярэння, і з пастаўленымі пад імі лічбамі (у гадзінніках і іншых вымяральных прыладах, напрыклад, у секундамерах).

У сонечным гадзінніку, у залежнасці ад тыпу і размяшчэння плоскасці, на якую адкідаецца цень стрыжня, адрозніваюцца экватарыяльныя, гарызантальныя і вертыкальныя цыферблаты.

Сучасныя гадзіннікі маюць нумары ад 1 да 12, надрукаваныя ў роўнаадлеглых інтэрвалах па перыметры цыферблата (якія паказваюць гадзіну), з лікам 12 у верхняй частцы. На шматлікіх мадэлях ёсць шэсцьдзясят кропак або ліній, раўнамерна размеркаваных у кольцы вакол вонкавага боку, для ўказання хвілін і секунд.

Спасылкі

• На Вікісховішчы ёсць медыяфайлы па тэме Цыферблат