Цьеры Мюглер

З пляцоўкі Вікіпедыя
Перайсці да навігацыі Перайсці да пошуку
Цьеры Мюглер
фр.: Manfred Thierry Mugler[1]
Партрэт
Род дзейнасці мадэльер
Дата нараджэння 21 снежня 1945(1945-12-21)[2][3]
Месца нараджэння
Дата смерці 23 студзеня 2022(2022-01-23)[1][5] (76 гадоў)
Месца смерці
Месца пахавання
Грамадзянства
Альма-матар
Сайт mugler.fr
Commons-logo.svg Цьеры Мюглер на Вікісховішчы

Цьеры Мюглер (польск.: Thierry Mugler, 21 снежня 1948, Страсбур — 23 студзеня 2022, Венсен) — французскі мадэльер і фатограф, стваральнік моднага дому свайго імя.

Біяграфія[правіць | правіць зыходнік]

Цьеры Мюглер нарадзіўся ў Страсбургу. Любіў маляваць, чым вучыцца. Ва ўзросце 9 гадоў Цьеры пачаў займацца класічным танцам і ў 14 гадоў быў прыняты ў кардэбалет Рэйнскай оперы. Зацікавіўшыся дызайнам, некаторы час вучыўся ў Страсбургскай школе дэкаратыўных мастацтваў, меў намер заняцца дызайнам інтэр’ераў. У 1969 годзе Мюглер пераехаў у Парыж, дзе пачаў працаваць модным стылістам.

У 1973 годзе Мюглер стварыў сваю першую калекцыю жаночага адзення пад назвай Café de Paris. Асноўнымі яе дамінантамі быллі матывы пяцідзясятых гадоў з характэрным акцэнтам на таліі, а таксама строгасць і выразнасць форм, уласцівая модзе саракавых. Гэтыя рэтра-элементы мадэльер напоўніў сучасным гучаннем, дадаўшы выявы агрэсіўнай сэксуальнасці і жаноцкасці, што стала характэрным для яго стылю. У 1977 годзе ён прадставіў публіцы сваю першую «калекцыю-спектакль», а ў 1978 годзе адкрыў свой першы буцік па адрасе Плошча Перамог, дом № 10.

У 1984 годзе адзначыў 10-гадовы юбілей сваёй творчай дзейнасці паказам калекцыі ў толькі што пабудаванай зале «Зеніт», на якой прысутнічала 6 тысяч гледачоў.

У пачатку 1990-х стаў запрошаным членам Сіндыката высокай моды. У 1992 годзе ў гатэлі «Рыц» была паказана яго першая калекцыя haute couture (восень-зіма 92/93). У тым жа годзе Мюглер узначаліў парфумернае падраздзяленне свайго моднага дому, створанае ў супрацоўніцтве з канцэрнам Clarins, і выпусціў духі «Анёл». Тады ж стварыў чорную абліпальную сукенку, у якой Дэмі Мур знялася ў фільме «Непрыстойная прапанова», а годам раней удзельнічаў у стварэнні кліпа спевака Джорджа Майкла «Too funky», дзе абраныя ім топ-мадэлі дэфіліравалі ў яго ўборах.

У 1995 годзе мадэльер адзначыў 20-годдзе свайго дома грандыёзным паказам моды ў парыжскім Зімовым цырку, на якім прысутнічала мноства зорак эстрады і кіно. Неўзабаве пасля гэтага ён пакінуў свет высокай моды і пераехаў у Нью-Ёрк, дзе пачаў працаваць як мастак па касцюмах для тэатра і кіно, фатограф і дызайнер парфумерных флаконаў. Мюглер ствараў касцюмы для выступленняў Цырка Дзю Салей, у 2009 годзе ён стаў персанальным стылістам Беёнсэ і пачаў ствараць касцюмы для сцэнічных выступленняў спявачкі.

Мюглер кіраваў вытворчасцю адзення prêt-à-porter «Цьеры Мюглер» да 2002 года, калі ў кампаніі пачалі ўзнікаць праблемы, а парфумернай студыяй — да 2013 года. У 2015 годзе гэты дызайнер выпусціў першую калекцыю сумак пад сваім імем. Схільны да тэатральнасці, ён ператвараў кожнае дэфіле ў феерычнае шоу. Увасабленнем ідэальнай жаночай прыгажосці для Мюглера стала мадэль Джэры Хол.

Пасля свайго сыходу са свету моды ён пачаў жыць пустэльнікам і пачаў прадстаўляцца сваім другім асабістым імем (Манфрэд). Актыўна займаўся бодыбілдынгам. Пасля таго, як у трэнажорнай зале Мюглер выпусціў сабе на галаву штангу, яго твар падвергнуўся ўмяшанню пластычных хірургаў і сур’ёзна змяніўся.

Цьеры Мюглер памёр ад натуральных прычын 23 студзеня 2022 года ва ўзросце 73 гадоў.

Зноскі