Цэнтральны Балкан
 Гара Боцеў і вадаспад Райска-Прыскала | |
|
Катэгорыя МСАП — II (Нацыянальны парк) |
|
| Размяшчэнне | Балгарыя |
|---|---|
| Плошча | 716,69 км² |
| Дата заснавання | 1991 |
| Кіруючая арганізацыя | Міністэрства аховы прыроды і водных рэсурсаў Балгарыі |
| Сайт | http://visitcentralbalkan.net/ |
  Цэнтральны Балкан |
|
Нацыянальны парк «Цэнтральны Балкан» (балг.: Национален парк Централен Балкан) — запаведная зона, якая знаходзіцца ў цэнтры Балгарыі, у Балканскіх гарах. Вышыня парку вар'іруецца ад 550 м, каля горада Карлава да 2376 м каля гары Боцеў, самай высокай вяршыні Балкан. Заснаваны 31 кастрычніка 1991 года. Трэцяя па плошчы запаведная зона Балгарыі: 716,69 км² агульная плошча, даўжыня — 85 км з захаду на ўсход, сярэдняя шырыня 10 км. Размяшчаецца ў пяці абласцях: Ловечскай, Габраўскай, Сафійскай, Плоўдзіўскайй і Старазагорскай. Уключае дзевяць запаведнікаў: Боацін, Царычына, Казяны-Сцяна, Стенета, Северен-Джендем, Пеешці-Скале, Саколна, Джендема і Стара-Рака.
Цэнтральны Балкан — адзін з самых буйных і каштоўных нацыянальных паркаў у Еўропе. МСАП прысудзіў яму катэгорыю II (нацыянальны парк). Восем запаведнікаў парку, як і сам парк, уваходзяць у спіс асабліва ахоўных зон ААН, чатыры запаведніка ўваходзяць у Сусветную сетку біясферных рэзерватаў праграмы ЮНЕСКА «Чалавек і біясфера». Паўнавартасны член фонду PAN Parks.
Парк размяшчаецца ў зоне Радопскага змешанага лесу. З'яўляецца домам для мноства рэдкіх раслін і жывёл, а таксама мае вялікае гістарычнае і культурнае значэнне для навукі. Флора прадстаўлена 2340 разнавіднасцямі дрэў і раслін, лясы займаюць 56% зоны. Налічваецца 59 відаў млекакормячых, 224 віды птушак, 14 відаў рэптылій, 8 відаў амфібій, 6 відаў рыб і 2387 відаў беспазваночных.
Гісторыя[правіць | правіць зыходнік]
Парк створаны ў 1991 годзе для захавання ўнікальнай прыроднай спадчыны і абароны ад згубнага гарадскога ўплыву. Кіраваннем парку займаецца дырэктарат, які падначальваецца Міністэрству аховы навакольнага асяроддзя і водных рэсурсаў. Дырэктарат супрацоўнічае з многімі арганізацыямі для дасягнення мэтаў па ахове парку.
Статыстыка[правіць | правіць зыходнік]
- Плошча: 71669,5 га
- Даўжыня: 85 км
- Шырыня: 10 км
- Самая высокая вяршыня: Боцеў, 2376 м
- Самая нізкая кропка: Карлава, каля 500 м
- Лесу: 44000,8 га
- Астатняя частка: 27668,7 га
- 70% натуральных экасістэм
- 9 запаведнікаў плошчай 20019 га
Экасістэмы[правіць | правіць зыходнік]
Шматвяковыя лясы з бука, елкі, піхты, граба і скальнага дуба займаюць большую частку парку. Больш за палову флоры Балгарыі было знойдзена ў парку: 10 відаў і 2 падвіда з'яўляюцца эндэмікамі і больш не сустракаюцца нідзе ў свеце. Больш за 130 раслін і жывёл парку занесены ў Чырвоную кнігу.
Вядомыя 166 відаў лекавых раслін, 12 з іх ахоўваюцца законам. Таксама ёсць 229 відаў моху, 256 відаў грыбоў, 208 відаў водарасцяў. Цэнтральная частка Балканскага хрыбта — дом для 70% усіх беспазваночных арганізмаў і 62% пазваночных жывёл Балгарыі. Налічваецца 224 віды птушак, што робіць нацыянальны парк важным міжнародным запаведнікам для птушак.
Фінансуемы Еўрасаюзам праект CORINE BIOTOPS прапанаваў метадалогію класіфікацыі месцаў пражывання, і 49 тыпаў месцаў пражывання з праекта прадстаўлены ў Цэнтральным Балкане. 24 тыпы занесены ў «Спіс знаходзячыхся пад пагрозай знікнення месцаў пражывання» і патрабуюць спецыяльных мер абароны ў адпаведнасці з Канвенцыяй Еўрасаюза аб асяроддзях пасялення.
Рэльеф[правіць | правіць зыходнік]
Сустракаюцца высакагорныя лугі, вертыкальныя скалы, абрывы, глыбокія каньёны, вадаспады і шматлікія вяршыні, з якіх каля 20 з'яўляюцца двухтысячнікамі. Цэнтральны Балкан з'яўляецца любімым месцам для турыстаў, натуралістаў і навукоўцаў.
Гл. таксама[правіць | правіць зыходнік]
Спасылкі[правіць | правіць зыходнік]
- Афіцыйны сайт (балг.) (англ.)
- Фотагалерэя Архівавана 31 мая 2018.
- Фотагалерэя Архівавана 2 снежня 2008.