Цюркан Акёл

Цюркан Акёл
Цюркан Акёл
	турэцк.: Türkan Akyol
Minister of Health[d]
	25 сакавіка 1971 — 13 снежня 1971
Rector of Ankara University[d]
	1980 — 1982
Minister of State for Women and Family[d]
	4 сакавіка 1992 — 25 чэрвеня 1993
Папярэднік	Güler İleri[d]
Пераемнік	Імрэн Айкут
Нараджэнне	12 верасня 1928; Стамбул, Правінцыя Стамбул, Турцыя;
Смерць	7 верасня 2017 (88 гадоў); Анкара, Правінцыя Анкара, Турцыя;
Месца пахавання	Karşıyaka Cemetery[d];
Грамадзянства	Турцыя;
Партыя	Social Democracy Party (Turkey)[d];
Адукацыя	Ankara University Medical School[d]; Erenköy Girls High School[d]; Анкарскі ўніверсітэт[d];
Месца працы	Анкарскі ўніверсітэт[d];
	Медыяфайлы на Вікісховішчы

Цюркан Акёл (турэцк.: Türkân Akyol; 12 кастрычніка 1928, Канстанцінопаль, Турцыя — 7 верасня 2017, Анкара, Турцыя) — турэцкі палітык, лекар і навуковец. Яна стала першай турэцкай жанчынай-міністрам урада і першай жанчынай-рэктарам універсітэта ў Турцыі.

Раннія гады

Нарадзілася 12 кастрычніка 1928 года ў Канстанцінопалі. Атрымлівала пачатковую адукацыю ў розных гарадах Турцыі, бо яе бацька быў штабным афіцэрам. У 1947 годзе скончыла школу для дзяўчынак Эрэнкёй у Стамбуле^[1].

Кар’ера вучонага і палітыка

Акёл атрымала медыцынскую адукацыю ва ўніверсітэце Анкары, скончыла яго ў 1953 годзе. Яна стала лекарам-пульманолагам^[2] і працягнула акадэмічную кар’еру ў сваёй альма-матэр. У 1965 годзе стала дацэнтам, а ў 1970 годзе — прафесарам. Паміж 1959 і 1965 гадамі Акёл праводзіла навуковыя даследаванні ў Злучаных Штатах, Францыі і Нідэрландах^[1].

25 сакавіка 1971 года яна была прызначаная міністрам аховы здароўя і сацыяльнага забеспячэння ў кабінеце Ніхата Эрыма, стаўшы такім чынам першай жанчынай-міністрам урада Турцыі. 13 снежня таго ж года яна сышла ў адстаўку са сваёй пасады і вярнулася ва ўніверсітэт^[1].

У 1980 годзе Акёл была абрана рэктарам універсітэта Анкары, стаўшы першай жанчынай-рэктарам Турцыі. Яна прапрацавала на гэтай пасадзе да 1982 года, пасля чаго звольнілася з-за рознагалоссяў з Саветам вышэйшай адукацыі^[1]. Акёл выкладала ва ўніверсітэце да 1983 года, калі Эрдал Іньёню прапанаваў ёй стаць сузаснавальнікам сацыял-дэмакратычнай партыі (SODEP, пазней Сацыял-дэмакратычная народная партыя). Акёл стала намеснікам старшыні партыі^[1].

Цюркан Акёл увайшла ў парламент у якасці дэпутата ад правінцыі Ізмір пасля ўсеагульных выбараў 1987 года. Яна вярнулася да выкладчыцкай дзейнасці пасля заканчэння тэрміну працы ў парламенце ў 1991 годзе^[1]. У 1992 годзе яна была прызначана міністрам па справах жанчын і сям’і ў кааліцыйным урадзе Сулеймана Дэмірэля^[1]. У 1993 годзе яна была зноў прызначаная міністрам у кабінеце Тансу Чылер, першай турэцкай жанчыны прэм’ер-міністра.

Памяць

Яе імя носіць бальніца ў горадзе Бурса.

Зноскі

↑ ^а ^б ^в ^г ^д ^е ^ё Ankara Üniversitesi Rektörleri-Prof. Dr. Türkan Akyol (тур.)(недаступная спасылка). Ankara University. Архівавана з першакрыніцы 13 мая 2012. Праверана 8 лютага 2013.
↑ Ankara Tıp'ın Göğüs Hastalıkları Ana Bilim Dalı Yenilendi(тур.). Праверана 2013-02-08.

[au-1] а ^б ^в ^г ^д ^е ^ё Ankara Üniversitesi Rektörleri-Prof. Dr. Türkan Akyol (тур.)(недаступная спасылка). Ankara University. Архівавана з першакрыніцы 13 мая 2012. Праверана 8 лютага 2013.

[2] Ankara Tıp'ın Göğüs Hastalıkları Ana Bilim Dalı Yenilendi(тур.). Праверана 2013-02-08.

[1]

[2]

Слоўнікі і энцыклапедыі	OpenSanctions
Генеалогія і некрапалістыка	Find a Grave