Чабор Леві

З пляцоўкі Вікіпедыя
Jump to navigation Jump to search
Чабор Леві
Thymus odoratissimus sl2.jpg
Навуковая класіфікацыя
Міжнародная навуковая назва

Thymus odoratissimus

Wikispecies-logo.svg
Сістэматыка
на Віківідах
Commons-logo.svg
Пошук выяў
на Вікісховішчы
NCBI  1522198
IPNI  461478-1
TPL  kew-205185

Чабор Леві[3] (Thymus odoratissimus) — від раслін сямейства Ясноткавыя (Lamiaceae), які расце ў Еўропе.

Апісанне[правіць | правіць зыходнік]

Гэтыя паўзучыя (укараняюцца ў вузлах) шматгадовыя расліны дасягаюць вышыні 10-20 см. Карані з’яўляюцца другаснымі ад карэнішча. Кеткі сустракаюцца толькі на бакавых галінках, якія тырчаць на парастках. Парасткі з чатырохвугольным папярочным перасекам, паверхня пакрыта доўгімі валасінкамі 0.8-1.0 мм. Сядзячае лісце ўздоўж сцябла размешчана процілегла. Форма можа быць строга эліптычнай або ланцэтна-лапаткавай. Суадносіны паміж шырынёй / даўжынёй вагаецца ад 1:3 да 1:3.5. Лісце ўздоўж сцябла больш-менш аднолькавае; паверхня раснічастая са слабымі жылкамі. Суквецці сферычна-яйкападобнай формы ўтвараюцца кветкамі, сабранымі ў кольцы. Прыкветкі суквецця падобныя на лісце. Даўжыня кветак: 4-6 мм. Чашачкі і вяночак 5-лісточкавыя. Колер вяночка ад ружовага да фіялетавага. Тычынак чатыры. Цвіце ў маі — жніўні. Плод — схізакарпій, складаецца з 4 сухіх часціц.

Распаўсюджанне[правіць | правіць зыходнік]

Еўропа: Аўстрыя з Ліхтэнштэйнам, Балгарыя, Чэхія, Славакія, Францыя, Швейцарыя, Венгрыя, былая Югаславія, Польшча, Румынія, Украіна[4].

Галерэя[правіць | правіць зыходнік]

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 130. — 160 с. — 2 350 экз. — у крыніцы пад назвай Thymus loevyanus
  4. bgbm.org. (англ.) 
Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.